Joakin Arregi "Txe" zendu da
2023/03/28
Zizurkilen sortu zen 1953an, eta 25 urtez Venezuelan bizi izan ondoren, Hendaian bizi zen azken urteetan.
Bertsolari zizurkildarraren lehen plaza Ordiziako sariketan izan zen, 1971an, Mikel Mendizabal, Iñaki Murua, Anjel Mari Peñagarikano, Argiñarena, Jesus Arzallus, Otaño eta Zelaiarekin. Bertso-jartzaile bezala aritu izan zen saio ainitzetan, eta epaile bezala hainbat eta hainbat txapelketetan; 2017an Bertsolari Txapelketa Nagusiko epaile bezala aritu zen.""Karibetik Kantaurira" (2003) bertso liburua idatzi zuen; bertso jarri asko idatzi izan ditu, jaioterrian, Hendaian eta Caracasen, Venezuelako erbestealdian.
Bertsularien Lagunak elkarteari ekarpen handia egin izan dio hainbat urtez. Ez adiorik Txe!
Joakin Arregi 'Txe', 2017ko Bertsolari Txapelketa Nagusiko argazki batean, Bastidan.