Bertsularien Lagunak Elkarteak irakasle bat kontratatzeko eskaintza zabaldu du

Bertsularien Lagunak Elkarteak irakaslea behar du %60ko lanaldian, 2024ko irailean hasiko litzateke.
Interesdunek agorrilaren 30 baino lehen bidali beharko dituzte Curriculum Vitae-a eta motibazio gutuna bertsularien-lagunak@bertsozale.eus helbidera.

Hezkuntza arautuan eta bertso-eskoletan irakasle gisa aritzeko pertsona bat behar du Bertsularien Lagunak Elkarteak. Klaseak gehienbat Baiona inguruetan izatea aurreikusten da baina gure hiru lurraldeetan hedatua den proiektua izanik inguru zabalago batean aritu behar izatea gerta daiteke.

Ezinbestekoa da gidabaimena eta autoa izatea. Hainbat ekintza osagarritan begirale lana ere egin beharko du.

Ezinbestekoa da unibertsitate gradua/lizentziatura edo irakasle ikasketak izatea. Gainera, kontutan hartuko da bertsolaritzarekin duen harremana, izan bertso eskolan, Bertsozale Elkartean edo antolatzaile gisa. Hezkuntzan duen esperientzia ere baloratuko da, bai arautuan, bai ez-arautuan eta baita aisialdian ere. Azkenik, harremanetarako erraztasuna, talde lanerako gaitasuna eta haur eta gazteekin izandako esperientzia ere kontuan hartuko dira.

Urtebeteko %60ko lanaldia eskaintzen da kontratu mugatuan. 

Informazio gehiago:
Bertsularien Lagunak Elkartea - Larraldea, Amotze auzoa 64310 Senpere
bertsularien-lagunak@bertsozale.eus - (0034) 636807990 - 0559541504