Bertsulari ttiki egunak ospatu ditugu aste honetan
2024/05/16
Larzabale, Hiriburu eta Senperen iragan dira.
Seaskako ikastoletako ehundaka haur bildu ditugu aste honetan zehar egindako hiru Bertsulari ttiki egunetan. Gelan prestatutako bertso sortak kantatu dituzte ikasleek publiko zabalaren aitzinean eta Oskar Estanga izan dute gitarrarekin lagun. Ederra izan da hainbeste bertso eder eta ahots ezti entzutea. Bertsolariak ere izan ditugu kantuan: Irantzu Idoate, Ramuntxo Christy, Nahia Etcheverry, Haira Aizpurua, Josu Txoperena eta Amets Arzallus aritu zaizkigu bertso eta hitz jolasean.
