Abenduaren 26tik 27ra izango dira Nafarroako Bertso Negulekuak, Legasan eta Amaiurren. Izena emateko epea ireki da.

2024/11/25

Nafarroako Bertso Eskoletako haur zein gazteek egonaldia egingo dute 2024 ko abenduan, azken urteetako ohiturari eutsiz. Aurten, 26tik 27ra elkartuko dira, DBHko ikasleak Amaiurren, eta Lehen Hezkuntzako ikasleak Legasan. Nafarroako Bertsozale Elkarteak egitarau oparoa antolatu du haientzat. Izen-ematea internet bidez egingo da, eta epea azaroaren 25etik abenduaren 16ra bitarte egonen da zabalik.

Azken urteetako ohiturari eutsiz, herrialdeko Bertso Eskoletako gazteentzako egonaldia antolatu du Nafarroako Bertsozale Elkarteak. Aurten ere bi txandatan bereiziko dira Nafarroako Bertso Negulekuak, ikasmailaren arabera: DBHko ikasleek Amaiurren gozatuko dute egonaldiaz, Amaiurko Aterpean; LHkoek Legasan, Kattalin Aterpetxean. Bi txandak 26tik 27ra izango dira eta Nafarroako Bertso Eskoletako irakasleak ariko dira begirale.

Hainbat helburu ditu egitasmoak. Bereziki, herrialdeko Bertso Eskoletan dabiltzan gazteen arteko harremanak bultzatu eta elkar ezagutzan sakontzea da xede nagusia. Horrekin batera, bertsolaritza eskolako logikatik atera eta aisialdiko eremura eramatea ere da Negulekuen helburuetako bat. Norabide horretan, bi txandetarako egitarau oparoa antolatu du elkarteak.

Izena emateko epea azaroaren 25etik abenduaren 16ra egonen da zabalik, eta ondoko galdetegia bete beharko da horretarako.

EGITARAUA:

DBHko ikasleen txanda (Amaiur)

Abenduak 26

11:00etan, Amaiurrera iritsi eta ongi etorria
11:00etatik-12:00etara, harrera eta logelen banaketa
12:00etan, Amaiurko gaztelura txangoa
14:00etatik-16:00etara, jolas librea
16:00etan, Amaiurko errotara bisita eta talo tailerra
18:30etan Bertso saioaren prestaketa
20:00etan, bertsolariekin solasaldia
20:30ean, Bertso afaria: Amets Arzallus eta Alazne Untxalorekin
23:00etan, Gaubela

Abenduak 27

9:00etan, gosaria
10:00etan talde jolasak frontoian
11:30ean itzulera

Lehen Hezkuntzako ikasleen txanda (Legasa)

Abenduak 26

11:00etan, ongi etorria
11:30ean, Bertizera txangoa
13:00etan, baztaria Bertizen (norberak eramana)
16:30ean, bertso saioaren eta ginkanaren prestaketa
18:30etan, Bertso saioa Ekhiñe Zapiain eta Joanes Illarregi bertsolariekin
20:30ean, afaria
22:00etan, Gaubela

Abenduak 27

8:30ean, gosaria
10:00etan ginkana herrian barrena
11:45ean itzulera

IZEN-EMATEA:

Izena emateko, ondoko galdetegia bete beharko dute ikasleek.

Izen-emate epea: Azaroaren 25etik abenduaren 16ra.

Prezioa: 30€

Información en castellano, aquí

2023ko Negulekuak. LH eta DBH-ko hainbat ikasle, Beintza-Labaienen.