Gelatik Plazara egingo dute jauzi Gipuzkoako bertso eskoletan

Gelatik Plazara ekimenaren III. edizioa antolatu du Gipuzkoako Bertsozale Elkarteak bertso eskolekin elkarlanean. 14 urtez azpiko bertso-eskoletako ikasleei bideratuta dagoen ekimena da Gelatik Plazara. Ikasleek bertsoarekin gozatzeko gune bat izatea du helburu eta jendaurrean trebatzeko aukera eskainiko dien aisialdiko ekimena izango da. Eskolarteko txapelketara iritsi aurretik zubi lana egiteko ere balioko du egitasmoak.

Bi maila ezberdinetan parte hartu ahal izango da. LH mailan eta BDH mailan. 2-4 lagunez osaturiko taldeetan batuta, tokian tokiko bertso eskolak saio berean elkartu eta elkar ezagutzeko aukera paregabea izango saioetan.  250 bertsolari gaztek hartuko dute parte antolatu diren saioetan.

Ondorengo lanak egin beharko ditu talde bakoitzak:

LH mailan:

• Agurra taldeka.
• Puntu erantzunak oinak emanda.
• Bi oin emanda koplak osatzea.
• Kopla txikian irakaslearekin ofizioa.
• Gaia emanda kopla osatzea.

•  Agurra taldeka.
•  Lau oinekin bertsoa.
• Bukaera emanda bertsoa 8 Handian.
• 2 koplako ofizioa.
• 3 punturi erantzun kopla neurrian.
• 3 koplako ofizioa.

Saioaren bukaeran talde guztiek jasoko dute sariren bat, eta saioak aurkezteaz zein gaztetxoen lana epaitzeaz bertso eskoletako irakasleak arduratuko dira.