Ostiralean jokatuko da Gipuzkoako Eskolartekoko finala
2025/04/01
Apirilaren 4an, Azpeitiako Elikagunean jokatuko da finala. Aurretik DBH mailako Gelatik Plazarako finala ere izango da Azpeitiako Dinamoa Sormen Gunean.
Lau kanporaketen ostean osatuta geratu da finaleko zortzikotea:
- Kattalin Arabolaza (Xenpelar)
- Egiar Otegi (Xenpelar)
- Adei Urbitarte (Motxian-Etxebeltz)
- Suhar Gesalaga (Erniarraitz)
- Sustrai Goenaga (GoiBe)
- Joanes Azpillaga (Erniarraitz)
- Maddi Lasa (Earra)
- Danel Etxeberria (Harituz)
20:00etan hasiko da afaria, eta afariko txartelak eskuragarri daude www.bertsosarrerak.eus webgunean. Saioa afalostean egingo da, oholtzan. Honakoak dira egin beharko dituzten ariketak:
- Lau oinak emanda, 8ko txikian, bertso bat.
- Binaka, 8ko handian, bina bertso.
- Binaka, 8ko txikian, bina bertso.
- Banaka, bi punturi erantzun 8ko txikian; eta gaia emanda bertso bat, gehienez 10eko handian.
Aurretik, 18:00etan, Gelatik Plazara ekimeneko DBH mailako finala izango da Dinamoa Sormen Gunean, Azpeitian bertan. Alegia, Zumaia-Aia, Azpeitia, Azkoitia, Mendaro eta Errenteriako taldeak sailkatu dira.
