Erabaki da Gipuzkoako Eskolarteko Txapelketako finaleko seikotea
Apirilaren 8an, Lizartzako Txirrita elkartean jokatu zen Gipuzkoako Eskolarteko Txapelketako azken kanporaketa. Malen Gartzia, Danel Etxeberria, Amets Aizpurua, Sustrai Goenaga, Izar Zelarain eta June Aiestaran aritu ziren kantuan Imanol Artola "Felix"ek jarritako gaiei erantzunez.
Elkartean 55 lagun inguru elkartu ziren bertso afariaz gozatzeko eta giro goxoan aritu ziren sei bertsolariak saio eder bat eskainiz. Azkenean, Zigor Leunda, Leire Beloki eta Bakarne Urreaga epaileek hala erabakita, June Aiestaran izan zen saioko irabazlea, beraz, finalera zuzenean sailkatua.
Hiru kanporaketetako irabazleei puntuazioz beste hiru bertsolari batu zaizkie eta honela geratu da apirilaren 29an Lasturko tabernan ospatuko den finala:
Jon Mendiluze
Naia Arrizabalaga
June Aiestaran
Amets Aizpurua
Aratz Lasa
Danel Etxeberria
Finala ere bertso afari formatuan izango da eta bertarako txartelak www.bertsosarrerak.eus atarian salgai daude dagoeneko.
OHARRA: bertso eskoletako gazteen egonaldian parte hartzeko izena eman dutenek ez dute finalerako txartela erosi beharrik izango.
Lizartzako kanporaketako bertsolariak