Eskolartekoa 2023

Lurralde guztietako Eskolartekoak jokatu ostean, ekainaren 3an eman zitzaion amaiera Iurretan Euskal Herriko Eskolarteko jaiarekin.

35. Eskolartekoa izan da 2023koa, Euskal Herrikoari dagokionez. Ikastolen Elkarteak eta Bertsozale Elkarteak gauzatzen dugu elkarlanean bat-bateko egitasmoa, eta 14-18 urteko gazteek hartzen dute parte.

Martxoan hasi eta ekainera bitarte egin dira lurraldeetako kanporaketa saioak eta finalak.

2022-06-18 Iurreta

Gipuzkoan izan dira goiztiarrenak; zenbait kanporaketa saioren ondotik, apirilaren 21ean egin da finala bertan. Gerora egin dira Nafarroan (maiatzaren 5ean), Araban (maiatzaren 20an), Bizkaian (maiatzaren 27an) eta Lapurdi, Baxenabarre eta Zuberoa elkartzen dituen txapelketa ere egun berean (maiatzaren 27an).

Euskal Herriko Eskolarteko Bat-bateko Bertsolari Txapelketa ekainaren 3an izan zen Iurretan.

 

Eskolarteko bat-bateko txapelketaren finalak
  • Araba. Maiatzaren 20an, Aramaion. Maddi Agirre txapelduna eta Sabin Abarrategi txapeldunordea.
  • Gipuzkoa. Apirilaren 21ean, Lasturren. June Aiestaran txapelduna eta Danel Etxeberria txapeldunordea.
  • Bizkaia. Maiatzaren 27an, Gernika-Lumon. Haizea Telleria txapelduna eta Ixone Asategi txapeldunordea.
  • Nafarroa. Maiatzaren 5ean, Iruñean. Kattin Madariaga txapelduna eta Eki Mateorena txapeldunordea.
  • Lapurdi, Baxenabarre eta Zuberoa. Maiatzaren 27an, Itsasun. Haira Aizpurua txapelduna eta Ibai Lekuona txapeldunordea.
  • Euskal Herria. Ekainaren 3an, Iurretan. Haira Aizpurua txapelduna eta Eki Mateorena txapeldunordea.