Aurreko edizioak
Eskolartekoa 2021
Udaberrian eta udan egin du Eskolarteko Bat-bateko Bertsolari Txapelketak bere bidea lurraldeetan; udazkenean gauzatu dugu Euskal Herrikoa lurraldeetatik sailkatutako parte-hartzaileekin.
Eskolartekoa 2020
Otsailean hasi zen, baina martxoan pandemiak eragindako etenaren ondotik, udazkenean berrartu dira saioak. Azaroaren 14an zen egitekoa Euskal Herriko Eskolartekoa Abadiñon, baina azkenean bertan behera uztea erabaki dugu Bertsozale Elkarteak eta Ikastolen Elkarteak. Haren ordez, Eskolatik Plazara ekimenean hartu dute parte finalistek.
Eskolartekoa 2019
Otsailean hasi zuen bidea lurraldeetan eta ekainaren 8an, Saran, elkartu dira parte hartzaileak 2019ko Eskolartekoa jai giroan agurtzeko.
Eskolartekoa 2018
Lurraldeetan lehen urratsak eginda, ekainaren 9an Saran egin da Euskal Herriko Eskolarteko bat-bateko txapelketaren finala.
Eskolartekoa 2017
Lurralde guztietan egin dira gazteen neurrira antolatutako saioak; finalak udaberrian jokatu dira, gehienak Bertso Eskolen Egunen baitan. Euskal Herri mailako jaia ekainaren 10ean egin da, Saran.
Eskolartekoa 2016
XXVIII. edizioa izan zuen 2016an Euskal Herriko Eskolarteko Bertsolari Txapelketak. Finala Ereñotzun egin zen, Txirritaren heriotzaren 80. urteurrenarekin lotuta.
Eskolartekoa 2015
Ekainaren 27an egin zen Euskal Herriko bat-bateko finala Orion. Guztira 112 gaztetxo aritu ziren egitasmoan.
Eskolartekoa 2014
Ekainaren 21ean egin zen Euskal Herriko Eskolartekoaren jai handia Orion. Goizean bat-bateko finala, ondoren herri bazkaria, eta bazkalondoan bertso-eskolen emanaldiak eta erromeria izan ziren.