Etorkizuna marrazten

Hezkuntza

• Aisialdiari garrantzi berezia eman nahi diogu, bertsolaritza, adin guztietan, gozamenetik bizitzeko, harreman sareak sortzeko…
• Bertso eskolak sustatzen jarraituko dugu, eta haiekiko harremanak ere zainduko ditugu.
• Oinarri pedagogikoetan, ikerkuntzan, formazioan eta materialgintzan jarriko dugu indarra.

Plaza

• Plazaratzeari dagokionez, arreta berezia jarriko da…
• Belaunaldiartekotasunean: gazteen plazaratzea
• Feminismoan: emakumeen plazaratzea
• Lurraldetasunean: herrialde guztietako bertsolarien plazaratzea

• Plazaren azterketa egingo dugu urtez urte.
• Bertsolarien eta gai jartzaileen arteko harreman zubia indartu nahi dugu.
• Epaile eta gai jartzaile taldeak zaindu, eta formazio jarraitua eskainiko zaie.
• Bertsogintzari buruzko askotariko ikerketak eta azterketa lanak sortu eta dibulgatuko dira.
• Bertsolarien eta gai jartzaileen lan baldintzak hobetzeko pausoak emango dira.
• Egile eskubideei dagokienez, sortzaileei aholkularitza osoa eta eskubideak kudeatzeko lanabesak eskainiko zaizkie.
• Bertsolarien eta beste kultur diziplina batzuetan ari diren eragileen arteko elkarlanak bultzatuko dira, kultura eraldaketarako eta sormenerako prozesu gisara ulertzen dugulako.

Ikerkuntza

• Ahozko kultur mugimenduan eta sorkuntzan eragingo dugu.
• Ikerkuntza eta formazio jarraitua egin eta eragingo dugu.
• Ezagutzaren dibulgazioa sustatuko dugu.
• Ikerketen aplikazioa eta gizarteratzea bultzatuko dugu, bertsolaritzan bezala bertsolaritzatik kanpoko esparruetan ere.
• Ikerkuntza gauzatzeko sinergiak baliatuko ditugu: kulturako eta euskalgintzako kideekin, inprobisazio kantatukoekin, ikerketa erakundeekin…

Xenpelar Dokumentazio Zentroa

• Bertsolaritzaren mugimenduaren beharrei gaurkotasunez erantzungo dien behatokia bermatzeko lan  egingo dugu.
• Xenpelar Dokumentazio Zentroaren eta beste ahozko kultur sorkuntzen dokumentazio egitasmoen arteko harremana eta elkarlana ahalbidetuko dugu.
• Bertsolaritzako eragileekin harremanak sustatuz eta bilketa sarea indartuz, etorkizuneko ikerketak ahalbidetzeko informazioa eta dokumentazioa ziurtatuko ditugu.

 Bertsozale Elkartea gero(r)a mugitzen aldizkarian ere jasota daude asmook

Komunikazioa

• Elkartearen helburuak erdiesteko komunikazio estrategia garatuko da, garaira egokituz.
• Barne kohesioari arreta berezia eskainiko zaio, bereziki:
• Elkarte guztien arteko komunikazio bateratuari
• Bazkideekiko harremanari
• Bertso eskolekiko hartu-emanari
• Kanpo komunikazioari dagokionez, irudi bateratu eta askotarikoa (lurraldez, belaunaldiz eta generoz) landuko da, diskurtso propioa eta koherentea garatuz.
• Proiektuak komunikatu eta haien bitartez harreman publikoak, lankidetzak, Elkartearen diskurtsoa zein balioak plazaratuko dira. Beharren arabera, komunikazio lan esplizituagoak garatuko dira.
  
  

Hedapena

• Bertsogintza eta bertsolaritza hedatzeko garaian garaiko bitartekoak erabiliko ditugu.
• Publiko motaren araberako eduki askotarikoak ekoitziko ditugu.
• Hedabideekin eta ekoiztetxeekin elkarlanean bertsolaritza zabaltzen jarraituko dugu.

Feminismoa

• Mugimenduko kideentzat, profil bakoitzari egokitutako formazioa bideratuko dugu.
• Aniztasunari ikusgarritasuna emango diogu.
• Bertsozale Elkartearen egitura, harremanak eta rolak landuko ditugu, partaideon zaintza erdigunean jartzeko. Horretarako:
• Parte hartzeko prozesu bat egingo dugu, funtzionamendua, erabakiguneak eta antolamendua berrikusteko.
• Berdintasun plana egingo dugu, bertsolaritza parekide izateko bidearen ekintza plana zehazteko.
• Eraso matxisten kontrako protokoloa baliatuko dugu kasuak bideratzeko.