Zortzi finalistak prest daude zapatuko finalerako
Den-dena dago prest. Zortzi finalistek prentsaurrekoa eskaini dute gaur eta euren alboan izan dira Jon Enbeita txapela ipiniko duena eta Asier Ibaibarriaga Bizkaiko Bertsozale Elkartearen lehendakaria. Bilbao Arenan eskaini dute prentsaurrekoa, finala egingo den leku berean.
Gogoz eta talde sentsazio itzelagaz azaldu dira prentsaurrekoan 2018ko finalistak:
- Aitor Bizkarra Ruiz
- Eneko Abasolo Txabarri 'Abarkas'
- Etxahun Lekue Etxebarria
- Jone Uria Albizuri
- Miren Amuriza Plaza
- Nerea Ibarzabal Salegi
- Onintza Enbeita Maguregi
- Xabat Galletebeitia Abaroa
Finalean Idoia Anzorandia Kareaga eta Maite Berriozabal Berrizbeitia ariko dira gai-jartzaile beharretan. Epaileak, ostera, hurrengoak izango dira: Ander Txakartegi Basterretxea, Joseba Santxo Uriarte, Jurgi Fuentes Goikoetxea, Leire Etxebarria Gaztelu, Mirari Azula Aurrekoetxea eta Miriam Juaristi Urizar. Idazkari lanetan Itziar Basterretxea Olarreaga arituko da.
Talde teknikoei, esker ona
Gaurkoan, talde teknikoak eskertu gura izan ditu Asier Ibaibarriagak: "eskerrik asko beharrean aritu diren guztiei: bertsolariei, Talde Antolatzaileko kideei, Komunikazio Taldeko kideei, gai-jartzaile taldeari, epaile taldeari, bertso eskolei, eta borondatezko beharrean astez aste ibili diren guztiei. Baita ere, zelan ez, astero areto eta frontoiak bete dituzten bertsozale guztiei ere, eurak barik ezingo litzatekeelako Txapelketarik egin."
Sarrerak
Finalerako sarrerak eskuratzeko bideak, hurrengoak dira:
- www.bertsosarrerak.eus orrian barikura arte
- Zapatuan bertan, txarteldegian, 12:30etik aurrera
