Zabalik dago Udabarria Bertsotan 2025 sailkapen fasean izena emateko epea
2025ean jokatuko da hurrengo Bizkaiko Bertsolari Txapelketa; irailean hasi eta abenduaren 20an izango da finala, Bilbao Arenan. Aurretik, ordea, Udabarria Bertsotan 2025 sailkapen fasea jokatuko da, maiatzean.
Udabarria Bertsotan sailkapen fasean izena emateko epea gaur, irailak 24, zabaldu da eta urriaren 15erara arte luzatuko da (biak barne).
Fase honetan izena emateko hurrengo baldintzak bete beharko dira:
- 18 urte beteta eduki beharko dira edo 2025ean bete
- Bertsozale Elkarteko bazkide izan beharko da
- Ezarritako epearen barruan eta antolakuntzak adierazitako bideetatik eman beharko da izena
Izen-ematea atari honetan sortutako formularioan bete beharko da, lotura honetan.
EMAN IZENA LOTURA HONETAN
Edozein zalantza izanez gero, idatzi bizkaia@bertsozale.eus helbidera edo deitu 94 681 27 11 telefonora.
Bizkaiko Bertsolari Txapelketa 2023ko finalistek eta finalaurrekoetan kantatu zuten bertsolariek ez dute sailkapen fasea jokatu beharrik izango, zuzenean sartuko dira Bizkaiko Bertsolari Txapelketa 2025era.
