Lan eskaintza: Bizkaiko Bertsozale Elkarteak musikaria behar du
2016/09/30
Elkarteko transmisio sailak antolatutako jarduera desberdinetan lan egingo luke musikariak; urriaren 14ra arte zabalduko du Elkarteak Curriculumak bidaltzeko epea.
Bizkaiko Bertsozale Elkartearen transmisio sailak musikaria behar du jarduera desberdinetan lan egiteko. Hurrengoak lirateke eginkizunak eta eskakizunak:
Eginkizun nagusiak:
- Bizkaiko ikastetxeetan antolatzen diren kantaldietan kantatu, gitarra edo beste musika tresna batez lagunduta.
- Bizkaiko herri ezberdinetan antolatzen diren bertso topaketetan abestu gitarra edo beste musika tresna batez lagunduta.
- Elkarteak antolatzen dituen bestelako jardueretan musikari lanak egin.
Eskatzen da:
- Kanturako gaitasuna.
- Gitarra edo beste musika tresnaren bat jotzeko gaitasuna.
- Euskal kantagintzaren ezagutza.
- Jendaurrean aritzeko gaitasuna.
- Eskarmentua antzeko lanetan.
- Gida baimena eta autoa.
- Euskara maila altua.
- Jarrera konprometitua, izaera planifikatua eta dinamikoa.
Kontuan hartuko da:
- Bertsolaritzarekin harremana.
- Gaztetxoekin harremanetarako gaitasuna.
- Lanpostuarekin zuzenean lotutako ikasketak.
Eskaintzen da:
- 7 hilabetetako kontratua, 2016ko abendutik 2017ko ekainera artekoa.
- Hasteko aurreikusitako data: 2016ko abendua.
Lan eskaintzarako interesatuok bidali Curriculum Vitae-a eta motibazio gutuna 2016ko urriaren 14a baino lehen ondorengo helbidera: bizkaia.administrazioa@bertsozale.eus
Informazio gehiago behar izanez gero, idatzi mezua aipatutako helbide elektronikora edo deitu 94 681 27 11 telefono zenbakira.
