Kelmene Abaituak irabazi du Bizkaiko eskolarteko lehenengo kanporaketa
Martxan dago Bizkaiko bat-bateko eskolarteko txapelketa. Gaur jokatu da lehenengo kanporaketa Galdakaon, eta sei gaztetxok parte hartu dute bertan. Puntu gehien batu dituena Kelmene Abaitua izan da.
Hauek izan dira sei parte hartzaileak:
- Amaiur Betanzos
- Beñat Enbeita
- Irati Gallastegi
- Kelmene Abaitua
- Oier Zugadi
- Unai Adana
Gai-emaile lanetan Peru Vidal aritu da, eta epaileak Beñat Romero, Garazi Mendoza eta Juanjo Respaldiza izan dira. Idazkaria Ander Elortegi izan da.
Bizkaiko Eskolarteko Txapelketak lau kanporaketa izango ditu. Ondorengoak dira hurrengo hiru kanporaketak:
- Apirilak 2, 17:00etan, Godexolan, Kultur Etxean
- Apirilak 7, 17:00etan, Igorren, Lasarte Aretoan
- Apirilak 9, 17:00etan, Durangon, Kurutziaga Ikastolan
Saio bakoitzeko irabazlea zuzenean sailkatuko da finalera eta gainontzeko lau bertsolariak puntuazioaren arabera. Finala maiatzaren 31an jokatuko da Iurretako frontoian. Goizeko 10:00etan nagusien eskolarteko idatzizko finala izango da eta ostean, 11:30ean, ekingo dio bat-bateko finaleko zortzikoteak.
