Gazteen neguko bertso plana antolatu dugu azaroren 29tik 30era
Bertso-eskoletako gazteen arteko harremanak sendotzea beti izan da gure helburuetako bat, eta, oraingoan ere, helburu horrekin elkartuko gara. Ekimen hau Bertsolari gazteen taldekako BBK sariketarekin lotuta dago.
Azaroaren 29tik 30era egun pasa antolatu dugu 2006-2009 urteen artean jaiotako gazteentzat. Zornotzako ikastolan elkartuko gara ostiralean 17:30ean eta Bilbon bukatuko dugu larunbatean bazkalostean.
Izen-emate epea zabalik dago eta webgune honen bitartez egin beharko da. Prezioa 25€ da. Aforoa mugatua izango da eta parte hartzaileen zerrenda osatzeko izen-ematearen ordena, eskualdeen arteko oreka eta generoa hartuko dira kontuan. Azaroaren 19a (barne) izango da izena emateko azken eguna.
BARNETEGIAN IZENA EMATEKO FORMULARIOA
Zornotzako ikastolan elkartuko gara azaroaren 29an 17:30ean eta azaroaren 30ean bazkalostean amaituko da Bilbon.
Egun berezi honetan bertso munduan sakontzeko aukera izango dugu, bertso eskoletan egiten dugun ohiko jardunetik haragoko pausu bat ematekoa. Egun ederra antolatu dugu denok batera egoteko: bertso eskola, ikastaroa, bertso-paseoa eta Ez Da Kasualitatea bertso saio musikatua.
Eraman beharrekoa:
- Lotarako zakua
- Esterilla
- Aldatzeko arropa
- Osakidetzako txartela
Ordainketa egiteko transferentzia egin, parte hartzailearen izen-abizenak zehaztuz:
- ES15 2095 0036 6250 6024 6189 (Kutxabank)
- ES43 3035 0042 9504 2001 1426 (Laboral kutxa)
