Bizkaia

Formazioa emango dugu Txapelketan kantatuko duten bertsolarientzat

2025/01/22
Txapelketako entrenamenduetarako gakoak emango ditugu. Aurten, bertsokeraz gain, epailetza ere landuko dugu. Udabarria Bertsotaneko bertsolariei eta udazkeneko sailkatuei zuzenduta dago.

Aurtengoa txapelketa urtea da Bizkaian, eta azken bi txapelketetan egin moduan, aurtengoan ere formazio saioa eskainiko dugu, Sustrai Colinaren eskutik: otsailaren 12an, Durangon.  Udabarria Bertsotaneko zein udazkenerako sailkapen zuzena dutenek eman ahal dute izena. Aurten, gainera, epailetzari ere erreparatuko diogu: Iñaki Aurrekoetxea eta Mirari Azula epaileek epai irizpideei buruzko saioa ere eskainiko dute.

Informazio orokorra

  • Data: otsailak 12, eguaztena
  • Ordua: 17:30-20:30
  • Lekua: Ibaizabal ikastola, Durango 

2023-02-08 formazio saioa

Izena emateko, hemen.

Izena emateko

Formazio saioan izena emateko aukera izango dute Udabarria Bertsotanen izena eman dutenek, Bizkaiko Bertsolari Txapelketa 2025era zuzenean sailkatuta daudenek eta bertso eskoletako irakasleek.  Izena emateko formulario hau bete eta 25 euro ordaindu beharko dira. Ordainketa egiteko hurrengo kontu korronte zenbakiak daude aukeran:

  • Kutxabank: ES15 2095 0036 62 5060246189
  • Laboral Kutxa: ES43 3035 0042 95 0420011426 
Formazio saioko aforoa mugatua izango da eta parte hartzaileen zerrenda osatzeko izen-ematearen ordena, eskualdeen arteko oreka eta generoa hartuko dira kontuan.