Enara Gallastegik irabazi du Bizkaiko eskolarteko bigarren kanporaketa
Martxa onean jarraitzen du Bizkaiko bat-bateko eskolarteko txapelketak. Gaur jokatu da bigarren kanporaketa Gordexolako kultur etxean eta zortzi gaztetxok parte hartu dute bertan. Puntu gehien batu dituena Enara Gallastegi izan da.
Hauek izan dira zortzi parte hartzaileak:
- Adur Lopez
- Aimar Marcos
- Aretx Iruskieta
- Ekhi Zuluaga
- Enara Gallastegi
- Helene Yerga
- Izaro Pagalday
- Nora Prellezo
Gai-emaile lanetan Jon Martinez aritu da, eta epaileak Garazi Mendoza, Juanjo Respaldiza eta Beñat Romero izan dira. Idazkaria Ander Elortegi izan da.
Bizkaiko Eskolarteko hirugarren kanporaketa apirilaren 7an izango da Igorreko Lasarte aretoan. Saioa, aurreko kanporaketak bezala, arratsaldeko 17:00etan izango da.
Saio bakoitzeko irabazlea zuzenean sailkatuko da finalera eta gainontzeko lau bertsolariak puntuazioaren arabera. Finala maiatzaren 31n jokatuko da Iurretako frontoian. Goizeko 10:00etan eskolarteko nagusien idatzizko finala izango da, eta ostean, 11:30ean, ekingo dio bat-bateko finaleko zortzikoteak.
