Bittor Altubek irabazi du Bizkaiko eskolarteko bigarren kanporaketa
Bizkaiko bat-bateko eskolarteko txapelketari atzo eman zitzaion hasiera Deustun, eta gaur bigarren kanporaketa jokatu da Durangoko Kurutziaga ikastolan. Zortzi gaztek egin dute gaurkoan bertsotan eta Bittor Altube izan da puntu gehien batu, eta beraz, finalerako txartela lortu duen bertsolaria.
Hauek izan dira zortzi parte hartzaileak:
- Jokin Ansotegi
- Ismael Aomar
- Sara Asenjo
- Bittor Altube
- Ander Sarriugarte
- Irune Basagoiti
- Araitz Katarain
- Eider Gallastegi
Gai-emaile lanetan Itxaro Juaristi aritu da, eta epaileak Leire Etxebarria, Ander Txakartegi eta Miriam Juaristi izan dira. Idazkaria Idoia Anzorandia izan da.
Bizkaiko Eskolarteko Txapelketak lau kanporaketa izango ditu, bi jokatu dira dagoeneko, eta ondorengoak dira hurrengo bi kanporaketak:
- Maiatzak 13, 16.30ean, Lemoan, Jubilatuen gaineko aretoan
- Maiatzak 15, 17:00etan, Getxon, Erromoko kultur etxean
Saio bakoitzeko irabazlea zuzenean sailkatuko da finalera, eta gainontzeko lau bertsolariak puntuazioaren arabera. Finala maiatzaren 25ean jokatuko da Abadiñoko probalekuan. Finaleko egunean egongo den bazkarirako txartelak www.bertsosarrerak.eus atarian eskuratu daitezke.
