Bizkaia

Badator Bizkaiko Eskolarteko Txapelketa

2025/03/28
Martxoaren 31n izango da lehenengo saioa Galdakaon, 17:00etatik aurrera; guztira lau kanporaketa jokatuko dira eta finala Iurretan izango da maiatzaren 31n

Aurreko edizioetan moduan, Bizkaiko Eskolarteko Txapelketak bat-batekoa sariketa eta idatzizko sariketa izango ditu. Ondorengo asteetan jokatuko dira kanporaketak eta maiatzaren 31n izango dira finalak, Iurretan. Aurten parte hartzaile gehiagok eman dutenez izena, bat-bateko txapelketak, hiru kanporaketa beharrean lau izango ditu.  

BAT-BATEKO TXAPELKETA

Bizkaiko eskolarteko bat-bateko txapelketa hastear dago. Martxoaren 31n izango da lehenengo kanporaketa Galdakaoko Eguzkibegi Ikastolan, 17:00etatik aurrera.

Lau kanporaketa jokatuko dira, guztira:

  • Martxoak 31: Galdakaon, Eguzkibegi Ikastolan, 17:00etan
    • Parte hartzaileak: Amaiur Betanzos, Beñat Enbeita, Garazi Uriarte, Irati Gallastegi, Kelmene Abaitua, Unai Aldana
  • Apirilak 2: Gordexolan, kultur etxean, 17:00etan
    • Parte hartzaileak: Adur Lopez, Aimar Marcos, Aretx Iruskieta, Ekhi Zuluaga, Enara Gallastegi, Helene Yerga, Izaro Pagalday eta Nora Prellezo
  • Apirilak 7: Igorren, Lasarte aretoan, 17:00etan
    • Aiala Irurtia, Amaia Gallastegi, Emile Zabala, Iradi Barrenetxea, Iraia Lauzirika, June Legarretan, Oskar Joseba de Rueda
  • Apirilak 9: Durangon, Kurutziaga Ikastolan, 17:00etan.
    • Aner Goikoetxea, Haizea Rotaetxe, Jon Abasolo, Maddi Aurtenetxe, Malen Ibarzabal, Maren Armendia, Naia Zelaia, Naroa Iturrioz

2024-05 eskolartekoa Igorre

18 urtetik beherako bertsolari bizkaitarrek parte hartu ahal izango dute Bizkaiko Eskolartekoan. Saioak zati bi izango ditu eta bertsolari guztiek egin beharreko ariketak hauek izango dira: 

  • Lau oinak emanda bertso bat zortziko txikian
  • Berba emanda bertso bat, gehienez, hamarreko handian
  • Ofiziotan bina bertso zortziko txikian

Bigarren atalera lau bertsolarik egingo dute aurrera, eta horiek, ariketa hauek kantatu beharko dituzte:

  • Ofiziotan zortziko handian bina bertso
  • Ganbarako lana: bakarka, gehienez, 10eko handian gai bati erantzunez

 

IDATZIZKO TXAPELKETA

Bestetik, idatzizko txapelketa martxan dago Bizkaiko ikastetxe eta eskualdeetan.  Kanporaketa hauetatik sailkatutako ikasleek idatzizko finalean parte hartzeko aukera izango dute. 

2024-05-25 Arrigorriaga

FINALAK, IURRETAN

Aurten egun bitan egingo dira idatzizkoaren finalak, biak ere Iurretako frontoian:

  • Maiatzak 30ean arratsaldez,  LH5eko eta LH6ko finalak izango dira. Ostean gazteei zuzendutako bertso saioa ere egingo da. 
  • Maiatzak 31n, goizez, DBHko eta Batxilergoko finalak izango dira. Ostean, bat-bateko finalera sailkatu diren 8 bertsolariak arituko dira kantuan. 

 

 Eskolarteko saguzarra