Abanto-Zierbenan egin da ikasturte honetako lehenengo bertso topaketa
2015/04/24
Ehundik gora gazte elkartu dira Abanto-Zierbenako Las Carreras auzoan bertsoagaz gozatzera; maiatzean eta ekainean egingo dira topaketa gehiago.
Bertso giro ederrean elkartu dira gaur goizean Abanto-Zierbenako topaketan. Denera, bost ikastetxetako 120 gazte inguru elkartu dira Las Carreras auzoko Montaño aretoan, Idoia Anzorandia Kareagaren zuzendaritzapean.
Musika eta bertsoz osatutako topaketa izan da. Gaztetxoek ikastetxean landutakoa ekarri dute jendaurrera, Inazio Vidal Gurrutxaga eta Onintza Enbeita Maguregi bertsolariak aritu dira bat-batean bertsotan eta Beñat Aiartza Santa Cruz gitarra jolearen laguntzagaz areto osoak abestu ditu kantu zahar eta berriak.
Topaketa hau izan da ikasturteko lehenengoa. Hurrengoa, maiatzaren 6an izango da Barakaldoko herri plazan.
