Aditu edota doktorez osaturiko hautaketa batzordeak baloratuko ditu aurkezturiko curriculumak eta ikerketa proiektuak. Baremoak zehaztu ondoren, puntu gehien duenetik gutxienekora doan proiektuen zerrenda egingo du epaimahaiak. Gainera, puntuazio altuena lortu eta diru-laguntza eskuratzea merezi duen hautagaien izena adieraziko du, bai eta horren ordezkoen izenak, uko egiteak edo beste edozein gorabeheraren aterabide gisa. Batzordeak, beharrezkotzat joz gero, edozein proiektu egile elkarrizketa pertsonala egitera deitzen ahalko du.
Batzordeak diru-laguntzak eskuratu nahi dituzten eskatzaileen soslaiak edo proiektuak askietsi ezean, 2023an saririk ez ematea delibera dezake.
Ordainketa 90 eguneko epearen barruan egingo da, erabakia argitaratu ondoren.
Proiektuaren arabera eginiko ikerketa lana 2024ko urriaren 18a baino lehen entregatu beharko da eta batzorde zientifiko batek ontzat eman beharko du.
Saritutako proiektuei dagokien ikerketa lanak gauzatutakoan, Mikel Laboa Katedrak zein Bertsozale Elkarteak ikerketa lan horiek argitaratzeko eskubidea edukiko dute, idazlanaren pasarte bat izan edo idazlan osoa izan.
Saritutako proiektuak gauzatutakoan Xenpelar Dokumentazio Zentroan artxibatuko dira; aldiz, lanak argitaratu gabeak diren artean, haiek kontsultatu ahal izateko lan bakoitzaren egilearen baimena beharko da.
Deialdira proiektu bat aurkeztea aski da, proiektuaren egileak deialdiaren prozedurari dagozkion puntu guztiak onartzen dituela baieztatzeko.