Apirilaren 5ean jokatuko da Kuadrillarteko finala Gasteizen

2025/04/01

Urtarrilaren 18an hasi zen 2025eko Arabako Bertso Kuadrilla Artekoari larunbatean emango zaio amaiera. Apirilaren 5ean, goizean hasiko da finalaren aurrekoa, 4 talderen artekoa eta bazkalostean 2 talderen arteko finala.

Urtarrilaren 18an eman zitzaion aurkezpena Kuadrillartekoari. 8 eskualdetan banatuta 14 bertso egun ezberdin burutu dira Araban zehar lehen fasean. Bigarren fasea, fase lehiatua izan da, 4 finalerdi eta finala. Honela finalerako txartela finalerdi bakoitzeko irabazleak lortu du, hala nola Lautadako 4 gara, Gasteizko Pinto pintto, Aiaraldeko Altubepekoak eta Gorbeialdeko Arlobiko bardoak taldeek bereganatu dute.

Finala, beraz, apirilaren 5ean, larunbat honetan izango du Arabako VIII. Bertso Kuadrillartekoak. Egun osoko egitaraua eskainiz izango da Gasteizen, goizeko 11:30ean abiatuko da plazaz plaza 4 taldeen arteko finalaurrekoa, Eskibel plazan hasita eta bi talde onenak erabakiko dira. 14:00etan Conde de Álava jatetxean burutuko da bazkaria, ostean goizean finalera sailkatutako 2 talderen artekoak joko du gaina finalarekin batera arratsaldeko 16:30ean.

Ondorengo ariketak egin beharko dituzte bertsolariek finalean:

FINALA
Goiza, 4 talde,
1.PLAZA
1. Taldekako agurra. A, B, D eta gero E.

2.PLAZA
2.Ofizioa 8ko handian. A taldeko batek B taldeko batekin ofizioka zortziko nagusian hiruna
bertso (berdintasunetik) (6 bertso)
D taldeko batek E taldeko batekin ofizioka zortziko nagusian hiruna bertso (berdintasunetik) (6
bertso)

3.Puntuka. Talde bakoitzeko kide bat zortzi bertso zortziko txikian osatu arte librean (4 talde
bakoitza, denera 8)

3.PLAZA
4. Ofizioa 8ko txikian. B taldeko batek D taldeko batekin ofizioka zortziko txikian hiruna
bertso. (kontrakotasunetik) (6 bertso)
E taldeko batek A taldeko batekin ofizioka zortziko txikian hiruna bertso. (kontrakotasunetik) (6
bertso)

5.Bi punturi erantzun zortziko txikian.
(A taldeko bertsolariak B taldeko bertsolariari). (B taldeko bertsolariak D taldeko
bertsolariari). (D taldeko bertsolariak E taldeko bertsolariari). (E taldeko bertsolariak A
taldeko bertsolariari). (2na bertsobakoitzak, denera 8)

6.Koplaka. Gaia emanda, talde bakoitzeko lagun bat, hiruna kopla musikaz lagunduta.
(berdintasunetik). (Altxa kopla hori! egitasmoan erabilitako doinuak: guantanamera, joanna give
me hope, no woman no cry, John zaharra, guretzat berdin dira, egun da Santimamiña...). (12
bertso denera)

Arratsaldea, 2 talde,
1.Agurra (ez puntuagarria)

2. Aurrekoak atzekoei B taldeko batek A taldeko hiruri eta gero alderantziz (A taldeko batek B
taldeko 3ri), gai emanda, aurrekoak 3 bertso zortziko handian, eta atzekoek bertso bana (6
bertso talde bakoitzak, denera 12) (2 gai). B eta gero A.

3.Ofizioa hamarreko txikian. B taldeko batek A taldeko batekin ofizioka hamarreko txikian
hiruna bertso. (kontrakotasunetik) (talde bakoitzak 3 bertso, 6 bertso denera)

4. Ofizioa seiko motzean, A taldeko bat B taldeko baten kontra. (3na bertso, denera 6)

5.Ipuina. 3 poltsa egongo dira, poltsa batean “pertsonaiak” egongo dira, bigarrenean
“espazioa/kokalekuak” eta hirugarrenean “objektuak”. Talde bakoitzeko 3 bertsolarik parte
hartuko dute. Lehenengoak “pertsonaien” poltsatik papera hartu eta kantatuko du bertso bat.
Bigarrenak pertsonaia horri jarraiki “kokaleku” poltsatik paper bat hartu eta bertso bat
kantatuko du. Eta hirugarrenak ipuina borobilduko du “objetuak” poltsatik hartutako
paperarekin bertso bat osatuz. 8ko handian

GANBARA
6.Puntuka zortziko txikian sei bertso osatu arte talde bereko hiru bertsolariekin kartzela
egoeran. Gaia apainduta egongo da mozorroekin edo behar den materialarekin egoera
kontestualizatzeko.

7.Segidilla, taldekide guztien artean, 3 minutu.