Arabako ikastetxeak "Gu ere bertsotan" topaketetan
Ikasturtea amaitzear dago eta “Gu ere bertsotan” programan parte hartu duten Arabako 41 ikastetxeetan kurtso amaierako jaialditxoak eta topaketak burutzeko ordua da. 2500 ikasle inguruk hartu dute parte eta datozen asteotan gelan landutako emanalditxoak burutuko dituzte beste ikastetxeetako ikasleen aurrean. Zuia-Gorbeialdea eskualdeko 5 ikastetxeak izan dira topaketa egiten lehenak, Maiatzaren 11an egin baitzuten. Gaur Amurrioko ikastetxeen txanda izan da, bertako ikastetxe guztietako ikasleak Amurrio antzokian bildu dira oholtzaz eta sormenaz gozatzera. Datozen hitzorduak honako hauek izango dira:
Lautadako ikastetxeen bertso-topaketa: Ekainaren 2an Aguraingo harresi aretoan
Laudioko ikastetxeen bertso-topaketa: Ekainaren 4ean, La Sallen
Gasteizen ere ikastetxeen arteko topaketak burutuko dira ekainaren azken egunetan. Urtea amaitzeko, ikasitakoa taularatzeko eta oporrei ongi etorria emateko modu atsegina.
