Harreman ereduak, aste honetako Hitzetik Hortzeran

Bikote, guraso eta lagun izateko modu desberdinak daude eta harreman eredu horiek bertsotan nola islatzen diren azalduko du Hitzetik Hortzera telebista-saioaren 8.atalak. Alaia Martin bertsolaria eta Fernando Anbustegi gai-jartzailea izango dira hausnarketa honetan bidelagun, eta bertsoak ere izango dira tartean: familia tradizional baten kanpineko egonaldia ezagutuko dugu, kolore arrosaz eta urdinaz kantuan entzungo ditugu bertsolariak, eta genero-rolen inguruan ere jardungo dira aste honetan bildutako bertsoetan.

Igandean, 15:00etan, Hitzetik Hortzera ETB 1en. Eta sarean, noiznahi www.eitb.tv.