Larunbatean ospatuko da Aiziritzen XILABA xapelketako Finalaurrekoen bigarren itzuliko lehen saioa
Larunbatean jokatuko da Xiberoa, Lapurdi eta Baxenabarreko bertsulari xapelketaren bosgarren edizioko finalaurrekoen bigarren itzulio lehen saioa. Aiziritzeko herriak hartuko du Xilaba.
Bertsulariak:
Hendaiarra, 1982ko azaroaren 24an jaio zen Donibane Lohizunen. Euskal Ikasketak kurtsatua, bertsu-eskoletako irakasle bezala dabil. Euskal Herriko Bertsozale Elkarteko Ikerkuntza arduraduna izan da, eta egun Bertsularien Lagunak elkarteko Ikerkuntza arduraduna da. Hernandorena eta Bagare bezalako sariketetan finalista izan da. Xilaban hau du 4. parte-hartzea.
1990eko abenduaren 27an jaio zen Donibane Lohizunen eta Hendaian bizi izan da beti. Itzulpengintza eta Interpretazioko ikasketak egin ditu Gasteizen, eta itzultzailea da gaur egun. Xapelketa ezberdinetan parte hartu du: Eskolartekotan (2001–2007). XILABA xapelketan 2008-an, finalista izan zen eta ondoren 2009-an Euskal Herriko Txapelketan parte hartu zuen. 2014. urteko XILABA xapelketan bigarren gelditu zen. Bat-Bateko zenbait sariketetan ere parte hartu izan du: Hernandorena sariketa, Berritxu saria, Osinalde, Abra...
Ikaslea da. 11 urterekin hasi zen bertsu-eskolan, Uztaritzeko ikastolan. Baiona lizeoko bertsu-eskolan ibili zen, gaur egun Gazteizen da ikasketak egiten. 2012ko Xilaba xapelketan laugarren egin zuen, eta ondoren Txapelketa Nagusian lehen aldiz parte hartu zuen. Hau bere hirugarren XILABA xapelketa da.
Lasarten jaio zen 1985. urtean, eta haurra zela joan zen Hendaiara bizitzera. Euskal Filologia egin zuen Gasteizen, eta Bartzelonan jarraitu zituen ikasketak. Bertso-eskoletan erakasle aritu izan da lanean. Txikitan eman zuen izena Hendaiako ikastolako bertsu-eskolan, eta geroztik bertsularitzak leku bat izan du beti bere bizitzan. Bi aldiz hartu du parte Txapelketa Nagusian, eta laugarren aldiz parte hartuko du Xilaban.
Lekuinekoa da eta 18urte ditu. 9urterekin hasi zen bere herriko bertsu-eskolan, ondotik Kanbo eta Baionako bertsu-eskoletan ibili aitzin. Eskolarteko xapelketan parte hartu izan du azken urte horietan eta aurten, lehen aldiz kantatuko du Xilaba xapelketan.
Zuzenbidean lizentziatua da. Kazetaritza lanak egiten ditu. Hendaiako bertsu-eskolan ibilitakoa da, ikasle hasieran, erakasle gero. Lau aldiz finalista izan da Bertsolari Txapelketa Nagusian. 2014. urteko XILABA xapelketako xapelduna da eta xapelketa hontan bere bostgarren partehartzea izanen du.
Gai-emailea Pettan Prebende izanen da.
Egin beharreko lanak:
13na bertsu puntuagarri
- Agurrak.
- 8ko handian ofiziotan binaka, hiruna bertsu.
- 8ko ttikian ofiziotan binaka, hiruna bertsu.
- 10eko ttikian ofiziotan binaka, hiruna bertsu.
- Kartzela banaka, 2 puntuari erantzun eta gaia emanda 2 bertsu
- Agurrak.
Saioa Aiziritzeko Herriko Gelan izanen da arratsaldeko 17:00etan hasita.
Finalaurrekoetako sarrerak leihatilan eskuratu ahal izango dira egunean bertan.
Finaleko sarrerak eskuragarri egonen dira www.bertsosarrerak.eu atarian zein Xiberoa, Lapurdi eta Baxenabarreko hainbat puntutan.
Xapelketari buruzko informazioa www.bertsozale.eus/xilaba eta www.bertsoa.eus atarietan jarraitu ahal izango da.
