Julio Sotok irabazi du 2015eko Nafarroako Bertsolari Txapelketa
2015/03/28
Julio Sotok irabazi du Elizondoko Baztan pilotalekuan jokatu berri den 2015eko Nafarroako Bertsolari Txapelketako finala. 1.250 bertsozalek jarraitu dute finala bertatik bertara. Bigarren postua Xabier Terrerosentzat izan da eta, haren ondotik, Eneko Lazkoz, Oskar Estanga, Eneko Fernandez, Ander Fuentes, Julen Zelaieta eta Aimar Karrika sailkatu dira.
Juanjo Atxak jantziko dio txapela txapeldunari
2015/03/26
Baztandarra izanik, bailaran urte luzeetan zehar bertsolaritzaren transmisioan egindako lan handia goraipatu nahi da horrela.
Dena prest da Elizondoko finalerako
2015/03/20
Otsailaren 7an Iruñean hasitako Nafarroako Bertsolari Txapelketak amaiera izango du martxoaren 28an, Elizondoko Baztan pilotalekuan arratsaldeko 17:00etatik aurrera jokatuko den finalarekin.
Burlatako bertsoaldiak eta bertsolarien iritziak sarean
2015/03/16
Martxoaren 15ean Burlatan jokatutako azken finalaurrekoaren bertsoaldiak www.bertsoa.com atarian ikusgai daude, baita saio osteko bertsolarien hitzak ere. Kantuan sei bertsolari: Migel Mari Elosegi "Luze", Saioa Alkaiza, Oier Lakuntza, Eneko Lazkoz, Oskar Estanga eta Aritz Saragueta. Aurkezle lanetan berriz, Maider Ansa.
Eneko Lazkozek irabazi du Burlatako finalaurrekoa eta finaleko zortzikotea erabakita geratu da
2015/03/15
Burlatako Kultur Etxean jokatu den azken finalaurrekoan sakandarrak eskuratu ditu puntu gehien eta haren atzetik izan dira Oskar Estanga, Saioa Alkaiza, Aritz Saragueta, Migel Mari Elosegi "Luze" eta Oier Lakuntza, hurrenez hurren.
Burlatan jokatuko da martxoaren 15ean azken finalaurrekoa
2015/03/12
Burlatako Kultur Etxean hirugarren eta azken finalaurrekoa jokatzearekin batera, Elizondon martxoaren 28an arituko diren zortzi finalisten izenak jakingo dira.
Berriozar eta Lesakako bertsoaldiak eta bertsolarien iritziak sarean ikusgai
2015/03/11
Martxoaren 7an eta 8an jokatutako finalaurrekoetako bertsoaldiak sarean ikus daitezke www.bertsoa.com atariaren bitartez. Gainera, bi saioetan kantatu zuten bertsolarien hitzak eta iritziak ere jaso dira.
Julio Soto eta Xabier Terreros finalerako lehen sailkatuak, Berriozar eta Lesakako saioak irabazita
2015/03/09
Larunbatean Berriozarko lehen finalaurrekoan Sotok eskuratu zituen puntu gehien eta igandean Lesakako finalaurrekoan berriz, Terreros gailendu zen. Martxoaren 28an Elizondon jokatuko den finaleko lehen bi finalisten izenak erabaki dira honela.
Igandean Lesakan jokatuko da bigarren finalaurrekoa
2015/03/06
Martxoaren 8an izango du segida finalaurrekoetako faseak, Lesakako Harriondoa Kultur Etxean arratsaldeko 17:30ean.
Larunbatean abiatuko da finalaurrekoetako fasea, Berriozarko saioarekin
2015/03/04
Aurtengo edizioak izango dituen hiru finalaurrekoetatik lehena da Berriozarkoa. Herriko Entzunaretoan izango da hitzordua arratsaldeko 17:30ean.
Lakuntzako final-laurdena sarean ikus daiteke
2015/02/25
Otsailaren 22an Lakuntzako Kultur Etxean jokatutako final-laurdeneko bertsoaldien bideoak sarean daude. Bertan kantuan, Eneko Lazkoz, Iñigo Olaetxea, Ioar Tainta, Patxi Castillo, Xabier Maia eta Xabier Terreros.
Lizarrako bertsoaldiak ikusgai
2015/02/24
Otsailaren 21ean Lizarran jokatutako final-laurdeneko bertsoaldiak www.bertsoa.com atarian ikus daitezke
Eneko Lazkoz nagusitu da Lakuntzako final-laurdenean eta erabakita geratu dira finalaurrekoak
2015/02/23
Eneko Lazkoz sakandarrak puntu gehien batuta, Burlatako finalaurrekorako sailkatzea lortu du. Puntuazioz jarraian izan ditu Xabier Terreros, Iñigo Olaetxea, Xabier Maia, Patxi Castillo eta Ioar Tainta.
Lizarrako final-laurdenean, Ander Fuentes "Itturrik" lortu du sailkatze zuzena
2015/02/22
Martxoaren 8an Lesakan jokatuko den finalaurrekoan kantatuko du "Itturrik". Eneko Fernandezek egin du bigarren eta saioko laukote gaztea atzetik izan da; Josu Sanjurjo, Iker Gorosterrazu, Mikel Lasarte eta Egoitz Gorosterrazu hurrenez hurren.
Igandean amaituko da final-laurdeneko fasea, Lakuntzako saioarekin
2015/02/20
Lakuntzako Kultur Etxean bosgarren final-laurdena jokatzearekin batera, finalaurrekoetako saioak erabakita geratuko dira
Larunbatean Lizarrara iritsiko da Txapelketa
2015/02/19
Laugarren final-laurdena jokatuko da Lizarrako Gazteriaren Etxean, arratsaldeko 17:30ean hasita
Zubiriko final-laurdena, ikusgai
2015/02/17
Otsailaren 15ean Zubirin jokatutako hirugarren final-laurdeneko bideoak www.bertsoa.com web gunean ikusi daitezke.
Aimar Karrikarentzat izan da Zubiriko saioa
2015/02/16
Lesakako finalaurrekoan kantatuko du Karrikak, martxoaren 8an. Saio polita eginda, puntuazio orokorren zain geratu beharko dute Oskar Estangak, Saioa Alkaizak, Amaia Elizagoienek, Sarai Roblesek eta Joseba Beltzak.
Igandean jokatuko da hirugarren final-laurdena
2015/02/12
Txapelketak segida izango du igandean, Zubiriko Gautxori jatetxean egingo den hirugarren final-laurdenarekin. 17:30ean hasita, sei bertsolari igoko dira oholtzara: Oskar Estanga, Saioa Alkaiza, Joseba Beltza, Amaia Elizagoien, Sarai Robles eta Aimar Karrika.
Iruñea eta Irurtzungo saioak, ikusgai
2015/02/11
Otsailaren 7 eta 8an jokatutako final-laurdenetako bertsoaldiak jada ikusgai daude bertsoa.com atarian.
Irurtzunen Julio Soto izan da irabazle
2015/02/09
Irurtzungo final-laurdena irabazita, Berriozarko finalaurrekora sailkatzea lortu du Sotok. Sailkapenean atzetik geratu dira hurrenez hurren, Julen Zelaieta, Migel Mari Elosegi "Luze", Alazne Untxalo, Kotte Plaza eta Iban Garro.
Jon Barberenak irabazi du lehen final-laurdena
2015/02/08
Martxoaren 7an Berriozarren jokatuko den finalaurrekorako txartela lortu du baztzandarrak.
Irurtzunen igandean bigarren final-laurdena jokatuko da
2015/02/06
Asteburuko bigarren final-laurdena igandean izanen da, Irurtzungo Kultur Etxean 17:30ean. Saiorako sarrera sei eurokoa da, lau euro Bertsozale Elkarteko bazkideentzat eta 16 urtetik beherakoentzat. Sarrerak aldez aurretik Irurtzungo Pikuxar elkarte eta tabernan eskuratu daitezke edo eta www.bertsosarrerak.eus atarian. Takila berriz arratsaldeko 16:00etan zabalduko da, aretoan bertan.
Iruñeko Katakraken izango da lehen saioa, gonbidapenaz
2015/02/04
Saio bikoitzarekin hasiko da asteburuan Nafarroako Bertsolari Txapelketaren 42. edizioa. Larunbatean Iruñean jokatuko da lehen final-laurdena eta igandean, Irurtzunen. Iruñeko saioan ez da sarrerarik kobratuko, Nafarroako Bertsozale Elkartean eta Katakraken banatzen dituzten gonbidapenen bidez sartu ahal izango da.
Larunbatean abiatuko da Iruñean Nafarroako Bertsolari Txapelketa
2015/02/03
42. ediziora ailegatu da Nafarroako Bertsolari Txapelketa. Hilaren 7an Iruñean hasiko da eta martxoaren 28an amaituko da, Elizondon. Bi hilabetean bederatzi saio jokatuko dira. Inoizko parte-hartzaile kopururik handiena izango du, osotara 33 bertsolarik eman baitute izena.
Kotte Plaza, Mikel Lasarte eta Sarai Robles Nafarroako Txapelketako final-laurdenetarako sailkatu dira
2014/12/15
Ostiralean abiatu zen 2015 Nafarroako Bertsolari Txapelketa, Iruñean jokatu zen kanporaketarekin. Sei bertsolari izan ziren oholtzan, eta horietatik hiruk lortu zuten otsailean abiatuko diren final-laurdenetarako sailkatzea: Kotte Plaza, Mikel Lasarte eta Sarai Robles. Bertsozaleek Alegria Peñako aretoa bete zuten.
