Zarautzen jokatuko da bigarren finalaurrekoa

Gipuzkoako Bertsolari Txapelketako bigarren finalaurrekoa jokatuko da igandean, azaroak 24ean, Zarautzen. Irabazlea zuzenean sailkatuko da finalera, eta gainontzekoek puntuazioz izango dute horretarako aukera. Sei bertsolari hauek ariko dira kantuan:

• Alaia Martin Etxebeste
• Amaia Iturriotz Etxaniz
• Aner Peritz Manterola "Euzkitze"
• Eneko Araiztegi Agirre
• Eneritz Artetxe Eizagirre
• Unai Mendizabal Jauregi

Gai-jartzailea Ion Zaldua Brit izango da.

Epaile, ostera, hauek ariko dira: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia ibiliko da.

Saioko sarrerak bertsosarrerak.eus atarian daude eskuragai, eta Aritzbatalde Udal Kiroldegiko txarteldegian, egunean bertan, aurretik agortzen ez badira.

Zarauzko saioa ere, finalaurreko guztien gisan, zuzenean emitituko dugu, ETB4n. Ilaski Serranok aurkeztuko du saioa, Jon Martin aditua alboan duela.