Tolosan jokatuko da azken final-laurdena

Gipuzkoako bertsolari Txapelketak bigarren mugarria gaindituko du igandean, azken final-laurdena orduan jokatuko baita Tolosan, Leidor aretoan. Sei bertsolari hauek ariko dira kantuan:

• Aitor Tatiegi Loidi
• Andoni Rekondo Izagirre
• Iñigo Mantzizidor Larrañaga "Mantxi"
• Jon Gurrutxaga Urbieta
• Maider Arregi Markuleta
• Nerea Elustondo Plazaola

Gai-jartzaile lanetan Igotz Alkorta Irastortza ibiliko da. Epaile, ostera, hauek:  Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkari lanetan, aldiz, Aratz Irazustabarrena Garmendia ariko da.

Faseko azken saioa izango da Tolosakoa, eta, beraz, saioa bukatzearekin bat ezagutuko da finalaurrekoetara sailkatutakoen zerrenda. Tolosarako sarrerak eskuragai daude bertsosarrerak.eus atarian eta saioaren egunean bertan Leidorreko txarteldegian, aurretik agortuko ez balira.