Nola jarraitu finala
2024/12/13
Gipuzkoako Bertsolari Txapelketako finala bihar, abenduaren 14an, jokatuko da, Donostia Arenan. Bertaratuko ez direnek ere aukera izango dute finala jarraitzeko: hedabideek jarraipen zabala egingo diote.
2024ko Gipuzkoako Bertsolari Txapelketa finalaren atarian da. Bihar jokatuko da, 17:00etan hasita, Donostiako Donostia Arenan; Illunben. Sarrerak bertsosarrerak.eus atarian daude eskuragai.
Bertaratu ezin dutenek, ordea, finala jarraitzeko aukera izango dute, jarraipen zabala izango baitu komunikabideetan: zuzenean, zein hurrengo egunetan.
Finala jarraitzeko bideak
- Telebistan: Zuzenean, 16:45etik aurrera, ETB1 katean. Ilaski Serrano ariko da aurkezle, eta Jon Martin Etxebeste izango da iruzkingile. Bestalde, biharamunean, abenduak 15, Hitzetik Hortzera berezia emitituko da, 15:00etan ETB1en, finalaren laburpena eta txapeldunaren elkarrizketarekin.
- Interneten: www.eitb.eus, www.bertsoa.eus, www.berria.eus eta www.diariovasco.com ataritan emango da saioa zuzenean, streamingez. Bertsoa.eus-ek, gainera, biharamunean jarriko du bere atarian finaleko bertsoaldien hautaketa. Gainera, txapeldunari eta gainerako finalistei egindako elkarrizketak ere jarriko ditu ikusgai.
- Irratiz: Uhinen bitartez ere lau haizetara zabalduko da biharko finala. Zuzenean ariko da Naiz Irratia Aimar Sorazu aurkezle duela. Bestetik, Euskadi Irratiak hainbat konexio egingo ditu arratsaldean zehar.
- Bestalde, hainbat dira finala aretotik bertatik jarraitzeko akreditatu diren hedabideak, beren paperezkoale, webgune eta sare sozialetan txapelketaren berri emango dutenak.
