Eli Pagola Apezetxea nagusitu da Elgoibarren

2024/09/22

Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.

Elgoibarko Herriko Antzokian jokatu da Gipuzkoako Bertsolari Txapelketako laugarren final-zortzirena. Sei bertsolari hauek izan dira gaurko protagonistak:

Lan puntuagarriak amaituta, Eli Pagola Apezetxea izan da garaile, 487,5 puntu bilduta. Horrenbestez, final-laurdenetara sailkatu da zuzenean, Azkoitiko saiora zehazki, urriaren 26an. Honela geratu da sailkapen osoa:

Eli Pagola Apezetxea..................................487,5
Eneko Araiztegi Agirre................................454,5
Iñaki Apalategi Astigarraga.......................451,5
Unai Izagirre Etxeberria.............................446
Libe Goenaga Arrieta.................................436
Uxue Fernandez Lasa................................430

Gai-jartzaile Olatz Zuazubiskar izan. Epaileak hauek izan dira: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia aritu da.

Datorren asteburuan jokatuko dira hurrengo bi saioak: Hondarribian, irailaren 28an, eta Andoainen, 29an. Sarrerak, betiko moduan, bertsosarrerak.eus atarian daude eskuragai; baita antzokietako txarteldegian saioaren egunean bertan ere, aurretik agortu ez badira.