Azpeitian jokatuko da azken final-zortzirena

2024/10/01

Saioa bukatzean, final-laurdenetako sailkapena jakingo dugu. Saioak eskuragai daude bertsosarrerak.eus atarian.

Gipuzkoako Bertsolari Txapelketak lehen mugarria igaroko du larunbatean, Azpeitiko saioarekin amaituko baita final-zortzirenen fasea. Soreasu antzokiak hartuko du 2024ko txapelketako azken final-zortzirena, eta sei bertsolari hauek ariko dira kantuan:

Gaiak jartzen Iker Iriarte Iribar ariko da, eta epaitzen bost epaile hauek: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia ariko da.

Saioko irabazlea zuzenean sailkatuko da final-laurdenetara, eta, saioa amaitzearekin bat ezagutuko dugu puntuazioz sailkatutakoen zerrenda ere. Saiorako sarrerak salgai daude bertsosarrerak.eus atarian, eta Soreasuko txarteldegian ere egongo dira saioaren egunean bertan, aurretik agortzen ez badira.