Arrasaten izango da azken finalaurrekoa
Gipuzkoako Bertsolari Txapelketari azken bultzada geratzen zaio finalaren aurretik; igandekoa, Arrasaten. Saio hori bukatzearekin bat, finaleko zortzikotea erabakita egongo da, eta horietako bat, gutxienez, Arrasateko irabazlea izango da; gainontzekoek puntuazioaren arabera izango dute finalean kantatzeko aukera.
Sei bertsolari hauek ariko dira Arrasaten:
- Agin Laburu Rezola
- Andoni Rekondo Izagirre
- Eñaut Martikorena Lizaso
- Iñigo Mantzizidor Larrañaga "Mantxi"
- Maider Arregi Markuleta
- Oihana Iguaran Barandiaran
Gai-jartzailea Imanol Artola Arretxe izango da.
Epaile, ostera, hauek ariko dira: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia ibiliko da.
Saioko sarrerak bertsosarrerak.eus atarian daude eskuragai, eta Uarkape pilotalekuko txarteldegian, egunean bertan, aurretik agortzen ez badira.
Arrasateko saioa ere, finalaurreko guztien gisan, zuzenean emitituko dugu, ETB4n. Ilaski Serranok aurkeztuko du saioa, Jon Martin aditua alboan duela.
