Aitor Salegi Martijak irabazi du Andoainen
Gipuzkoako Bertsolari Txapelketako lehen fasea bukatzear da: gaur jokatu da azken aurreko final-zortzirena, Andoainen. Bastero kulturguneak bertsozale andana bildu du, eta giro beroak egin die ongi etorria honako sei bertsolari hauei:
- Aitor Salegi Martija
- Andoni Mujika Izagirre
- Endika Igarzabal Murua
- Eñaut Martikorena Lizaso
- June Aiestaran Iparragirre
- Manex Mujika Amunarriz
Lan puntuagarriak amaituta, Aitor Salegi Martija izendatu dute garaile, 470 punturekin. Bera, final-laurdenetara sailkatu da zuzenean, Errenterikora, urriaren 20an. Honela geratu dira puntuazioak:
Aitor Salegi Martija --------------------------------- 470
Eñaut Martikorena Lizaso ----------------------- 462
Andoni Mujika Izagirre ----------------------------- 450
June Aiestaran Iparragirre ----------------------- 448
Manex Mujika Amunarriz -------------------------- 448
Endika Igarzabal Murua ------------------------------ 437
Gaiak jartzen Igotz Alkorta Irastortza ibili da. Epaitzen, ostera, honako hauek: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia aritu da.
Final-zortzirenetako hurrengo eta azken saioa datorren larunbatean jokatuko da, urriaren 5ean, Azpeitiko Soreasun antzokian. Saioa bukatzearekin bat, final-laurdenetara sailkatutakoen zerrenda ezagutuko dugu. Saiorako sarrerak bertsosarrerak.eus atarian daude eskuragai.
