Donostia

Biok lan egiten duzuen enpresan, lehen sorospeneko ikastaro bat antolatu dute lanorduetatik kanpo. Zuk, Jon, ez duzu ikastaroan parte hartzeko asmorik. Aginek, ordea, izena eman du.

Haurdun zaudete biok. Zuk, Nerea, haurdunaldiari eta haurrei buruzko liburu eta aldizkariak irakurri eta irakurri daramatzazu azken hilabeteak. Alaiak ez du bakar bat ere irakurri.

Bikotea zarete. Eskiatzera joan nahi duzue, baina ez daukazue dirurik. Zuk, Beñat, gurasoei eskatu nahi diezu dirua. Oihanak, ez.

Urteak daramatzazue enpresa bateko zuzendaritzan lanean. Zuri, Ane, iruditzen zaizu zuzendaritzara heldutako belaunaldi berriek ez zaituztetela kontuan hartzen. Beñatek ez du halakorik uste.

Agin aita eta Nerea alaba zarete. Zuen etxean inoiz zaletasunik izan ez bada ere, zuri, Agin, Nerea alaba etorri zaizu boxeoan hasi nahi duela esanez.

Zu, Alaia, okina zara. Iluntzero, ixteko ordua hurbiltzen denean, oparitu egiten dituzu sobran geratutako ogiak. Azkenaldian, Jon bezeroa zortziak bost gutxian sartzen da okindegian egunero.

Lagunak zarete. Kuadrillan EGUNEAN BEHIN aplikazioko taldea daukazue. Oihana, Anek ia beti hamar erantzunak asmatzen ditu. Gaizki pentsatzen hasita zaude.

Gaztelumendi eta Lizaso lagunak zarete. Zuk, Gaztelumendi, zerbait esaten duzun bakoitzean, gaia edozein dela ere, Lizasok beti gehitu behar izaten du azken hitza.

Litxarreriak. 1. Umeen aitzakian / helduok barrura 2. Behin jaten hasiz gero / gelditu ezina 3. Ahoa gozatuaz / haginak hondatu

Langile autonomoak. 1. Ekintzaile izan nahi / eta zenbat traba 2. Zu zara langile ta / zu zara nagusi 3. Gaixorik egon arren / ezin utzi lana

Kirol-arropa. 1. Orain modaren menpe / jarri da kirola 2. Poteorako janzten / dugu Gore Tex-a 3. Jantzi arinak baina / prezio astuna

Tabernak. 1. Etxepeko tabernan / nolako zarata 2. Pozik joaten gara / juergan gabiltzala 3. Auzoari ematen / diote bizitza

Angulak. 1. Iritsi da angulak / jateko garaia 2. Anguletan sekula / ibili al zara? 3. Jaki garestiak nahi / prezio merkean

Postalak. 1. Jasotzen genituen / eskuz idatzita 2. Kostata heltzen ziren / behar zen lekura 3. Whatsappek baino xarma / gehiago zeukaten

Gabonsaria edo aginaldoa. 1. Gero ta gutxiago / banatzen dituzte 2. Inork jan nahi ez ditun / polboroi ugari 3. Errigora saskia / ez da hautu txarra

Etxeko lanak. 1. Zenbatero garbitu / ohi duzu komuna? 2. Gaur egun inork ez du / erabiltzen plantxa 3. Zenbait aritzen dira / garbia garbitzen

Portuko langileak zarete. Arrantza-ontzi batean etorkin-talde bat ezkutatuta dakartela konturatu zarete.

Duela egun batzuk zuen lagun batek bere buruaz beste egin zuen. Zuen inguruan, gertatutakoa ezkutatu nahian sumatzen duzue jendea.

Bortxaketa bat jasan duen neska gazte baten gurasoak zarete. Zuen alabaren intimitatea zaintzen saiatu zareten arren, zuen etxe atarian telebista kamera ugari pilatzen dira egunero.

Pailazoak zarete. Oholtza izkinatik, aretoa pixkanaka betetzen ari dela ikusten duzue.

Eskultorea zara. Adineko jendearen bakardadea ikusarazteko, amona baten eskultura bat egin duzu. Ehunka lagun daude ilaran jarrita, zure eskulturaren ondoan argazkia ateratzeko zain.

Adingabeen zentro bateko arduraduna zara. Langileak behar dituzue baina inork ez du zuenean lan egin nahi.

Janari-kontserbak egiten dituen enpresa txiki bat daukazu. Zuek egindako kontserben lote batean bakterio bat atzeman dutela-eta, zuen produktu guztiak merkatutik erretiratzeko agindua jaso duzu.

Askotan agertzen duzu zure iritzia publikoki. Zure jarduna dela eta, zure kontrako pintadak agertu dira.

Azal beltzaranekoa zara. Euskal hiztun gehienek gaztelaniaz egiten dizute lehen hitza.

Bikotekide atzerritarra duzu. Oporrak dituzuen aldiro, haren familia bisitatzera joan behar izaten duzue.

Haur jaio berri baten gurasoa zara. Berarekin egoteko. urtebeteko eszedentzia eskatu zenuen. Bi hilabete pasa dira, eta lanera bueltatzeko desiratzen zaude.

Langabezia-saria kobratzen daramazu urte erdia. Lan-eskaintza bat jaso duzu, baina langabezia-saria baino gutxiago kobratuko duzu.

Urruneko planeta bateko biztanleak zarete. Zuen planeta suntsitzear dela eta, bizitzeko toki baten bila, Lurrera iritsi zarete. Zuri, Agin, planeta egokia iruditzen zaizu zuen espeziea bizitzeko. Beñat ez dago horren ziur.

Realaren eta Barçaren arteko partida ikustera etorri zareten bi futbolzale katalan zarete. Nahastuta, Anoetara joan beharrean, Illunbera etorri zarete.

Esan eta esan aritu arren, ez entzunarena egiten dizute.

Esan eta esan aritu arren, ez entzunarena egiten dizute.