Unai Mendizabal Jauregi

Musikariak zarete. Zuen abestiek, Internetera igo orduko, bisita mordoa jaso dute. Olatua aprobetxatuz, zuk, Unai, kontzertuetako sarreren prezioa igo nahi duzu. Elik ez.

Zuri, Iñigo, herriko jaietako kartela diseinatzeko ardura eman zizuten. Proposamen berri bat ekartzen duzun bakoitzean, Unai zinegotziak aitzakiaren bat topatzen dio.

Donostiako zinemaldia. 1. Aurpegi ezagunak / alfonbra gorrian 2. Onurarik ba al du / hiritarrentzako?

Bikotea zarete. Harremana hasi zenutenetik, elkarrekin egiten dituzue plan guztiak. Unai, Nereak esan dizu zure kontura planak egiten hasi beharko zenukeela.

Suhiltzailea zara. Saiatu arren, ez zara garaiz iritsi.

Herrialde katalanetako gazte independentistak zarete eta oso haserre zaudete egoera dela eta. Erantzunak baketsua izan behar duela entzuten duzue behin eta berriz. Zu, Asier, ados zaude horrekin. Unai, ordea, ez.

Zu, Unai, taberna bateko zerbitzaria zara, eta Iñaki bezeroa egunero etortzen zaizu adarra jotzera. Herriko festetan zabiltzala, Iñaki ikusi duzu txosnan lanean.

Catering-enpresa bateko zerbitzariak zarete. Estetika-kanonak betetzen dituzuela-eta, beste lankide batzuei baino lan gehiago eskaintzen dizuete.

Bikotea zarete. Duela bi urte harreran hartu zenuten umearekin moldatu ezinik zabiltzate. Eñaut, Unaik esan dizu berriro gizarte-zerbitzuen esku utzi beharko zenuketela.

Eskolako zuzendaria zara. Emaila bidali duzu. Dagoeneko ez dago atzera bueltarik.

Enpresariak zarete. Duela hogeita hamar urte, ETAk mehatxatu zintuztela eta, Euskal Herritik kanpo eraman zenuten zuen enpresa. Orain, egoera aldatu denez, itzultzea pentsatzen ari zarete.

Zu, Agin, tatuatzailea zara. Gaur, Unai adineko bezeroak eskatu dizu tatuaje bat egiteko, zimurrak disimulatzeko.

Zuek biok kuadrillan bikotekiderik ez duzuen bakarrak zarete. Unai, elkarrekin bizitzen jartzea proposatu dizu Iñakik.

Txuri Urdin Izotz Jauregira joan zarete patinatzera. Paretatik aldendu ezinda zaudete.

Etxetik irteten ari zinela, besotik heldu dizu.