Jon Maia Soria

Pisukideak zarete. Larunbat gauero, zuen bizilagunek bederatzi urteko haurra bakarrik uzten dute etxean. Zuk, Mikel, salatu egin nahi duzu egoera. Jonek ez.

Zuk, Jokin, Jon mekanikariaren tailerrera eraman zenuen autoa IAT edo ITVa pasatu aurretik prest jar zezan. Azterketa teknikoan atzera bota dizute autoa, eta kontu eske etorri zara Jonengana.

Anaiak zarete. Zuen gurasoek esan dizuete nahikoa denboran mantendu zaituztetela eta baduzuela garaia zuen kasa moldatzen hasteko.

Ikastetxe bateko jangelako arduradunak zarete. Apustua egin zenuten gero eta janari osasungarriagoa jartzeko, baina konturatu zarete umeek gero eta kexa gehiago dutela janariarekin. Jon, Unaik berriro atzera egitea proposatu dizu.

Emagina zara. Eskuak garbitzen ari zara, malkoei eutsi ezinik.

Abokatuak zarete. Torturatzaile batek bere delitua onartu dizuen arren, epaiketan hura defendatzea erabaki duzue.

Etxea berritu behar zenuela eta, zuk, Iban, Jon langilea kontratatu zenuen. Lanetik etxera itzuli zarenean, sofan topatu duzu.

Alderdi bereko bi politikari zarete. Hauteskundeak irabazi eta boterera iritsi zineten arren, programako puntu asko ez dituzue bete. Zuri, Jon, Haritzek esan dizu berriro ez zenuketela aurkeztu behar.

Telebistako sukaldaritza-lehiaketa bateko epaileak zarete. Parte-hartzaileek prestatutako platerak probatzeko unea da.

Telefonoak jo du. Begiratu duzu, eta berriz ere zenbaki bera da.

Biok lan egiten duzuen enpresan, lehen sorospeneko ikastaro bat antolatu dute lanorduetatik kanpo. Zuk, Jon, ez duzu ikastaroan parte hartzeko asmorik. Aginek, ordea, izena eman du.

Zu, Alaia, okina zara. Iluntzero, ixteko ordua hurbiltzen denean, oparitu egiten dituzu sobran geratutako ogiak. Azkenaldian, Jon bezeroa zortziak bost gutxian sartzen da okindegian egunero.

Litxarreriak. 1. Umeen aitzakian / helduok barrura 2. Behin jaten hasiz gero / gelditu ezina 3. Ahoa gozatuaz / haginak hondatu

Portuko langileak zarete. Arrantza-ontzi batean etorkin-talde bat ezkutatuta dakartela konturatu zarete.

Eskultorea zara. Adineko jendearen bakardadea ikusarazteko, amona baten eskultura bat egin duzu. Ehunka lagun daude ilaran jarrita, zure eskulturaren ondoan argazkia ateratzeko zain.