Felix Zubiarentzat izan da Arrasateko final zortzirena

2015/10/10

Arrasaten jokatu da Gipuzkoako Bertsolari Txapelketako azkenaurreko final zortzirena. Felix Zubiak lortu du lehen postua eta modu horretan final laurdenetarako txartela eskuratu du. Haren atzetik, Eneritz Artetxe eta Iñaki Gurrutxaga sailkatu dira, hurrenez hurren. 310 bertsozale elkartu dira Amaia antzokian. Bihar amaituko da final zortzireneko fasea, Andoainen jokatuko den saioarekin.

Felix Zubiak irabazi du Arrasaten jokatu den Gipuzkoako Bertsolari Txapelketako bosgarren eta azkenaurreko final zortzirena. Gaur lortu duen lehen postuari esker, zarauztarra zuzenean sailkatu da azaroaren 1ean Ormaitzegin jokatuko den final laurdenetako saiorako, Iñaki Apalategi, Beñat Lizaso eta beste lau bertsolarirekin. Eneritz Artetxek eta Iñaki Gurrutxagak egin dute, hurrenez hurren, bigarren eta hirugarren. 310 bertsozale inguru gerturatu dira herriko Amaia antzokira.

BERTSOLARIA	PUNTUAZIOA
Felix Zubia Olaskoaga	431
Eneritz Artetxe Eizagirre	421,5
Iñaki Gurrutxaga Zubimendi	417,5
Haritz Casabal Pikabea	412
Egoitz Eizagirre Aduriz	382,5
Aratz Igartzabal Bidegain	373

Gipuzkoako Bertsolari Txapelketak bihar izango du segida eta azken final zortzirena jokatuko da Andoaingo Bastero kulturgunean. Sei bertsolari igoko dira oholtzara: Ibai Esoain, Gemma Urteaga, Jokin Uranga, Antton Fernandez, Asier Azpiroz eta Unai Gaztelumendi. Lehen sailkatuak urriaren 31n Zestoan jokatuko den final-laurdenerako txartela eskuratuko du. Inaxio Usarraldek aurkeztuko du saioa.

Felix Zubiak irabazi du Arrasaten.