Julen Erezuma Arzanegi

Ibon eta Julen lagun barriak egiteko asmoz Internetetik kontaktau zenduen alkarregaz. Gaurko ipini dozue lehenengo zita. Ibon: alkarregaz egon eta gero, agurtzeko ordua ailegau danean, Julenek ia hurrengo noiz geratuko zarien galdetu deutsu.

Pisukideak zarie. Hilabete daroazue alkarregaz bizitzen. Julen: gaur Beñat pozarren etorri jatzu balkoian ortua ipini dabela esaten. Julen hasita.

1. Bertsozaleon jaia/
dogu Txapelketa

2. Bertsoak jostea da/
orain zuen lana

Gaur be pankartaren atzean batu zarie.

Zuek biok seropositiboak zarie. HIESaren birusagaz kutxatu zinien orain dala 20 urte. Oraindik ez daukazue garai hori ahaztuta. Julen hasita.

Birraitita birlobak zarie. Etxahun: birlobea; eta Julen: birraitita. Etxahun: berton beharrik ez zeunkola eta Ingalaterrara joan zinan orain hilabete. Skypetik etxekoakaz berba egiteko geratu zara. Familia guztia pasatu da kamara aurretik. Orain Juleneri, birraititeri, toketan jako. Etxahun hasita.

Bikotea zarie. Onintza: gaur Julenek esan deutsu hurrengo hauteskundeetan Bizkaiko diputatu nagusi izateko eskaintza egin deutsiela.

1. Amaituko ete da/
sakabanaketa

2. Indarrak batu behar/
geurea lortzeko

Gaur bai; gaur, egun handia izango dala sentitzen dozu.