Oihana Iguaran Barandiaran

Oihana eta Nerea, senideak zarete. Amak hazi eta hezi zaituzte. Zuen aita ez da orain arte zuen bizitzan agertu. Orain, adinean gora egin duenean, zuengana gerturatzen hasi da. Zuk, Oihana ez duzu ezer jakin nahi aitaz; Nerea, berriz, aitarekin egon nahian dago.

Patxi eta Oihana, irakasleak zarete. Usu egiten duzue topo irakasle gelako kafe makinan. Patxi, gaur ere, aste honetan hirugarrenez, Oihanak txanponik ez duela eta, kafe bat aterako ote diozun eskatu dizu.

Gaia: Bidaiatzea 1. Nora bidaiatzea / da zure ametsa? 2. Urruti joan behar / ongi pasatzeko 3. Oso modan jarri da /autokarabana

Eneko eta Oihana, 7 urte elkarrekin daramaten bikotea zarete. Eneko, bikote-krisiaz hainbeste entzun ondotik beldurtuta zaude azkenaldian, horregatik Oihanak zuen bizitzan biper pixka bat sartzea proposatu dizu.

Medikuaren kontsultatik irten berri zara. Telefonoa sakelatik atera duzu.

Oihana eta Nerea. Zuek biok herriko loredendako langileak zarete. Adinean gora zoazte. Gero eta zailago egiten zaizue hiltzen direnentzat lore sortak prestatzea.

Asier eta Oihana. Zuek biok lagunak zarete. Asier, zinemara zoazela esaten duzun aldiro, Oihanak berak ere zurekin joan nahi duela esaten dizu. Gaur ere etorri da zurekin, eta filma hasi denetik ez da isildu ere egin.

Amets eta Oihana. Zuek biok neba-arrebak zarete eta gurasoekin autoan zoazte oporretara. Orain arte tabletarekin ibili zarete, baina bateriarik gabe gelditu berri da.

Oihana gurasoa eta Haritz 12 urteko semea zarete. Haritz pilotan ibiltzen da, eta zu Oihana bere botileroa zara. Oihana, partida 21na doala, aurkaria negarrez hasi da, eta Haritz etorri zaizu zer egin beharko lukeen galdezka.

Azkenean probatu duzu, eta jabetu zara ez zela espero zenuena.

Miren eta Oihana enpresa bereko informatikariak zarete. Susmoa duzue nagusiak paradisu fiskaletan dirua gordetzen duela. Miren, Oihanak nagusiaren ordenagailua hackeatzea proposatu dizu.

Oihana eta Agin gizarte-mugimendu bateko soldatapeko langileak zarete. Elkartearen aurreikuspen ekonomikoak ez dira onak, eta, badirudi, datorren urtean ere, ezingo direla zuen soldatak igo.

Oihana, autoa aparkatzen ari zarela, Alaia espaloitik hasi zaizu keinuka, laguntzeko asmoz. Aurpegi txarra ipini diozun arren, tematuta jarraitu du Alaiak. Azkenean kasu egin diozu eta lehenengo oharrarekin batera, atzeko autoari kolpe handia eman diozu.

1. Zeren alde egiten duzu zuk borroka? 2. Dena bihur liteke aldarrikapena

Gaur arte ez zara ausartu. Oraingoan erantzun egin duzu.