Joanes Illarregi Marzol

Joanes eta Gorka. Lankideak zarete. Posta elektroniko ugari jasotzen duzue eguneko edozein ordutan. Joanes, zuk laneko posta elektronikoa instalatu duzu zure mugikorrean uneoro eskura izateko. Gorkak ez du hori egiteko inongo asmorik.

Saioa eta Joanes. Bikotea zarete. Saioa, aspaldi isun bat jarri zioten Joanesi, baina arrazoia berak zuela-eta, ez zuen ordaindu nahi izan. Gaur eskutitz bat iritsi da etxera, isuna hirukoiztu dela esanez.

Gaia: Nerabezaroa 1. Nola oroitzen duzu nerabezaroa? 2. Lagunak jainko eta/ gurasoak traba 3. Garai zaila da baina / oso aberatsa

Iñaki eta Joanes. Bulego bereko abokatuak zarete. Iñaki hasiberria eta Joanes beteranoa. Bulegora kasu entzutetsu bat iritsi zen, irabazteko ia ezinezkoa zirudiena. Iñaki, Joanesek esan zizun zu arduratzeko defentsaz. Auzia irabazi egin duzu eta Joanesek proposatu dizu elkarrekin prentsaurrekoa ematea.

Autoa hartu duzu bila joateko. Iristear zinela, ordea, buelta ematea erabaki duzu.

Unai eta Joanes. Espainiako gerra zibileko desobiraketa lanetan ari diren 2 lagun zarete. Lanean ari zareten hobi komunean uste zenutena baino askoz gorpuzki gehiago aurkitu dituzue.

Joanes semea eta Alaia gurasoa zarete. Zu Joanes sex shop edo denda erotiko batean hasi berri zara lanean. Lehen lan eguna duzu gaurkoa. Denda ireki berri duzu eta zure lehen bezeroa sartu da: Alaia zure gurasoa.

Joanes eta Agin. Foruzainak zarete. Zuen txanda amaitzeko denbora egiten ari zarete autoa behar ez den lekuan utzita. Beste polizia auto bat hurbiltzen ari zaizue. Nagusiarena da.

Onintza eta Joanes lagunak zarete. Onintza beti ibiltzen zara kexaka; lana dela, etxebizitza dela, udal-erabakiak direla… Joanesek erran dizu, beti kexaka bai, baina ez duzula horren aurrean ezer egiten.

Eskua hartu dizu. Indartsuago sentitu zara.

Joanes eta Saioa lagunak zarete. Joanes, Saioak urteak daramatza elikagaien bankuarentzat boluntario lanetan. Aurten, boluntario gehiagoren bila dabiltzala-eta, Saioak berarekin batera laguntzera joateko proposamena egin dizu.

Jone eta Joanes hirugarren graduan dauden bi euskal preso politiko zarete. Azkenengo berriak entzunda, bigarren gradura aldatu, eta berriro espetxeratuko zaituzteten beldur zarete.

Amets biloba eta Joanes aitita zarete. Zu Amets ohartuta zaude, kartetan ari zaretenean, Joanes aititak tranpak egiten dituela, zuri irabazi ahal izateko. Orain ere hala ari da.

1. Beti korrika eta presaka gabiltza 2. Zertarako hartu nahi zenuke denbora?

Kanporatu egin zintuzten. Bizitza erabat aldatu zaizu.

Amets eta Joanes, 55na urte dituzue. Herrian beti izan zarete oso aktiboak, eta ekimen gehienen antolakuntzan parte hartu duzue. Azkenaldian, lekuz kanpo sentitzen hasiak zarete. Amets, pauso bat atzera ematea erabaki duzu; Joanesek jarraitu egin nahi du.

Aspaldiko ezagunak zarete Nerea eta Joanes. Gaztetan ez zineten batere ondo konpontzen. Orain, zuen seme-alabak ikasgela berean daude, eta oso lagunak dira. Denbora asko eman behar izaten duzue elkarrekin.

Gaia: Munduko inprobisatzaileak. 1. Berezia da kantu inprobisatua 2. Jardun al zara beste hizkuntza batean? 3. Iruditzen zitzaigun bakarrak ginela

Joanes 25 urteko semea eta Aitor, ama zarete. Joanes, Aitor amak esan dizu banandu nahiko lukeela, baina ez duela bizitza berri bat bakarrik hasteko modurik.

Irribarre konplizea egin diozue elkarri.

Joanes bezeroa eta Beñat okindegiko langilea zarete. Joanes, okindegira sartu, eta zuzenean, erdaraz eskatu duzu. Beñat langileak euskaraz erantzun dizu.

Sustrai eta Joanes, lan bertikalak egiten dituen enpresa bateko langileak zarete. Bilboko Iberdrola dorreko leihoak kanpotik garbitzen ari zarete.

Lortzea hainbertze kosta zaizun epaile lana utzi duzu. Lasaiago bizi zara orain.