Etxahun Lekue Etxebarria

Kale-garbitzaileak dira Xabat eta Etxahun. Lanean ari direla, aurretik doanak garagardo-lata bat bota du lurrera.

Zinemagintza ikasi zuten elkarrekin Etxahunek eta Maddalenek. Etxahun zine zuzendaria da, eta Maddalen zine kritikaria. Etxahunen azken filmari buruz kritika zorrotza egin du Maddalenek.

Kutsatu ta kutsatu / noiz arte horrela?
Itsasoa daukagu / plastikoz beteta
Protokolo ugari / daude sinatuta

Sexu-hezitzaileak dira Eneko eta Etxahun. Orain arte nerabeekin aritu izan dira lanean. Gaur Etxahunek Enekori proposatu dio adinekoen egoitzetan ere hitzaldiak ematen hastea.

Inoiz ez bezalako besarkada eman dizu aitak.

Etxahunek eta Beñatek urteetan erabili gabeko lursail bat okupatu zuten beren herrian duela hamar urte baratze ekologikoa sortzeko. Orain, Herriko Etxeak, herri-lurra dela argudiatuz, bota egin nahi ditu.

Herriko futbol-taldeko jokalariak dira Nerea eta Etxahun. Entrenamentuan Etxahunek emandako ostiko baten ondorioz, Nerea ez dago jokatzeko moduan. Gaurko partidan, Etxahunek jokatuko du Nerearen lekuan.

Joan den astean zen / ordu-aldaketa
Energia aurrezten / omen da horrela
Lehenago argitzen du / ilundu ere bai

Senideak dira Etxahun eta Nerea. Hauen gurasoak ia herri osoari lana ematen dion lantegi baten jabeak dira. Nereak Etxahuni esan dio susmoa duela lagunak interes hutsez egoten direla biekin.

Zure ibilbideko unerik onenean zaude. Zure jarduna uztea erabaki duzu.

Etxahunen eta Sustrairen txoko edo elkarte gastronomikoan lapurretak izan direla-eta, segurtasun kamerak jarriko dituzte. Etxahun ados dago erabakiarekin. Sustrai, berriz, ez.

Pisukideak dira Nerea eta Etxahun. Goizero, Nereari iratzargailuak jo baino bost minutu lehenago esnatzen da Etxahun. Komunean sartu eta ia ordubete pasatzen du, eta bitartean Nerea komunera joan ezinik geratzen da. Gaur ere hor daude atearen alde banatan.

Zerbitzariak dira Etxahun eta Jon. Kongresu baten ondoren, jende artean dabiltza kanapeak eskaintzen. Sukaldetik atera orduko bukatzen dira guztiak.

Kartzelako funtzionarioak dira Jon eta Etxahun. Laneguna amaituta, autoan doaz etxerantz elkarrekin.

Usaina sumatu, eta urduri jarri zara.