Beñat Gaztelumendi Arandia

Saioa eta Beñat aktoreak zarete. Azken boladan egin dituzuen castingetan, lana lortzeko ezinbesteko baldintza izan duzue sare sozialetan aktibo egotea.

Beñat eta Aitor pisukideak zarete. Beñat, Aitor telelanean aritzen da eta egongelaren erdi-erdian pasatzen du eguna ordenagailuarekin. Orain ere, zaratarik egin gabe eta isilik ibil zaitezen eskatu dizu.

Beñat eta Julio hurrengo fasera pasatzeko lehian dauden bi bertsolari zarete. Faseko azkeneko saioa da gaurkoa eta publikoan zaudete elkarren ondoan. Aurkezlea aktaren zain dago.

Aitor eta Beñat lagunak zarete. Gertu bizi arren, azkenaldian gutxitan egoten zarete elkarrekin. Aitor, Beñatek proposatu dizu hemendik aurrera astero hitzordu bat finkatzea.

Lehen aldiz egin duzu negar haren aurrean. Lasaitua hartu duzu.

Eñaut eta Beñat bi gazte zarete, lanean hasi berriak. Eñaut, Beñatek erran dizu sindikatu batean izena ematera joanen dela.

Beñat eta Nerea Seaskako ikasleak zarete. Azken urtea duzue Lizeoan. Azterketak euskaraz egiteko trabak egon arren, borrokan segitzen duzue.

Beñat tatuatzailea eta Sustrai bezeroa zarete. Beñat, Sustrai etorri zaizu estudiora azalean tatuatutako izena ezkutatzeko eta berria idazteko eskatuz. Hirugarren aldia da gauza bera egiten duena.

1. Ametsak betetzea zer gauza polita 2. Zer amesten zenuen haurra zinenean?

Bihar da egun handia. Ez joatea erabaki duzu.

Sustrai eta Beñat bi nerabe zarete, eta astean zehar apustu makinetan jokatzeko ohitura duzue. Gaur, ikastetxean, ludopatiari buruzko hitzaldi bat eman dizuete. Zu, Sustrai, identifikatuta sentitu zara; Beñat, ez.

Elkarrekin bazkaltzera joan diren bi lagun zarete Maialen eta Beñat. Maialen, Beñatek jaten hasi aurretik plater guztiei argazkia ateratzeko ohitura du. Postrea jaten hasi zarenean, Beñatek kargu hartu dizu berak argazkia atera baino lehen jaten hasi zarelako.

Gaia: Zabortegiak. 1. Guztiok sortzen dugu zaborra tonaka 2. Inork ez du ondoan zabortegirik nahi 3. Zuk zer egiten duzu gauzak hobetzeko?

Beñat 25 urte eman dituzu kartzelan. Azken urteotan, zu preso sartu zintuztenean jaio gabe zegoen Alaia gazteak eskutitzak idatzi dizkizu. Duela gutxi aske geratu zinen. Gaur, kalean, Alaia gerturatu zaizu esanez bera dela eskutitzak idazten zizkizuna.

Irribarre konplizea egin diozue elkarri.

Joanes bezeroa eta Beñat okindegiko langilea zarete. Joanes, okindegira sartu, eta zuzenean, erdaraz eskatu duzu. Beñat langileak euskaraz erantzun dizu.

Amets eta Beñat, aireportu batean lan egiten duzue, eskanerretik pasatzen den guztia ikuskatzen. Gaur ere, harrituta zaudete ikusten ari zaretenarekin.

Etxea txukuntzen ari zarela, zure nerabezaroko egunerokoa aurkitu duzu.