Amets Arzallus Antia

Haritz eta Amets. Zuek biok espetxean ezagutu zenuten elkar. Bertan, igeltsero lanbidea ikasi zenuten. Aske gelditu eta elkarrekin negozioa jarri berri duzue martxan.

Nerea eta Amets. Zuek biok pisukideak zarete. Nerea, konturatu zara, garbigailua jartzen duzunean, Ametsen arropa, kopuruz, zurearen bikoitza dela.

Amets eta Oihana. Zuek biok neba-arrebak zarete eta gurasoekin autoan zoazte oporretara. Orain arte tabletarekin ibili zarete, baina bateriarik gabe gelditu berri da.

Amets gurasoa eta Aitor 25 urteko semea zarete. Amets, goizero gosaria prest izaten duzu Aitor esnatzen denerako. Gaur, Aitor semeak esan dizu ez duzula zertan hori egin.

Azkenean probatu duzu, eta jabetu zara ez zela espero zenuena.

Aitor eta Amets alderdi bereko politikariak zarete. Aitor, urte luzez izan zara alkate. Udal hauteskunde hauetan, Amets izan da zerrendaburu, eta hauteskundeak irabazi dituenez, bera izango da hurrengo alkatea. Gaur deitu dizu, eskualdatzea adosteko eta abiatzeko.

Amets eta Maddalen arkeologoak zarete. Euskal Herriaren historiarako garrantzitsua den aurkikuntza egin duzue Irulegiko herrixkan.

Amets biloba eta Joanes aitita zarete. Zu Amets ohartuta zaude, kartetan ari zaretenean, Joanes aititak tranpak egiten dituela, zuri irabazi ahal izateko. Orain ere hala ari da.

1. Beti korrika eta presaka gabiltza 2. Zertarako hartu nahi zenuke denbora?

Kanporatu egin zintuzten. Bizitza erabat aldatu zaizu.

Amets eta Joanes, 55na urte dituzue. Herrian beti izan zarete oso aktiboak, eta ekimen gehienen antolakuntzan parte hartu duzue. Azkenaldian, lekuz kanpo sentitzen hasiak zarete. Amets, pauso bat atzera ematea erabaki duzu; Joanesek jarraitu egin nahi du.

Aitor eta Amets arotzak edo zurginak zarete. Zu, Aitor, ohartu zara Amets, azken hilabeteetan, ezkutuan kutxa bat egiten ari dela. Zertan dabilen galdetzea erabaki duzu, eta esan dizu bere hilkutxa egiten ari dela.

Gaia: Politikariak. 1. Beti ibiltzen dira elkarri oihuka 2. Herriak jasotzen du bozkatu duena 3. Izan nahi al zenuke noizbait agintari?

Nerea eta Amets neba-arreba abeltzainak zarete. Orain arte, behien esnea enpresa bati saltzen zenioten. Nerea, Ametsek proposatu dizu lan egiteko modua aldatzea, eta esnekiak zuzenean saltzen hastea.

Irribarre konplizea egin diozue elkarri.

Sustrai gurasoa eta Amets 14 urteko semea zarete. Sustrai, gaur Ametsek hiruhileko honetan atera dituen notak erakutsi dizkizu. Orain arte ez bezala, nota txarrak atera ditu.

Amets eta Beñat, aireportu batean lan egiten duzue, eskanerretik pasatzen den guztia ikuskatzen. Gaur ere, harrituta zaudete ikusten ari zaretenarekin.

Izan dituzun azken bikote harremanek ez dute aurrera egin, ez duzulako guraso izan nahi.

Amets eta Maialen, gehiegizko lotsa lantzeko terapian ezagutu duzue elkar. Hitz egiten hasteko ordua da.

Maialen, zuri buruzko pelikula biografiko bat egin behar dute. Amets da zure rola jokatuko duen aktorea.

Oreka

Ez dago B planik