Unai Agirre Goia

Bikotea dira Unai eta Iñaki. Egunero bezala, lanetik etorri, etxeko lanak egin, umeak oheratu... eta sofan daude bata bestearen ondoan leher eginda.

Oihana maizter bizi da Unairen etxean. Harrituta zegoen aspaldian postontzian ezer jasotzen ez zuela eta. Gaur Unai etxejabea harrapatu du postontzia irekitzen.

Obra besterik ez da / errepideetan
Bidesaria ez da / batere merkea
Garraio publikoa / eraginkorrena

Julio semea eta Unai aita dira. Hauen auzoan lapurreta ugari izan da azkenaldian. Unai etxean lapurrak sartuko zaizkien beldur da, eta irratia piztuta uzten du etxetik ateratzen direnean.

Zure giltza-sortatik giltza ateratzen ari zara.

Petrolio ontzi bateko langileak dira Unai eta Maialen. Hilabeteetan itsasoan lanean ibili eta gero, oraintxe ari dira porturatzen. Etxekoak zain dituztela ikusi dute.

Aimar bazkaltzera joan da Unairen jatetxera. Ekarritakoa ona ez zegoela eta, kexatu egin da. Unaik arazorik gabe atera dio beste plater bat. Bazkariko kontua ekarri dionean, ikusi du bi platerak kobratu dizkiola.

Gaixotzen garenean / sendatzeko presa
Ze erraz jotzen dugun / pilulen ontzira
Osasun publikoak / hainbeste mesede

Unai eta Alaia epaitzen ari dira epaitegian. Euskaraz deklaratzea eskatu dutenez, interpretea jarri diete. Honek behar bezala itzultzen ez duela eta, Alaiak Unairi proposatu dio zuzenean erdaraz deklaratzea.

Dena ondo zihoan, argia piztu den arte.

Unibertsitateko irakasleak dira Alaia eta Unai. Urteetan fakultate berean lan egin eta gero, erretiro-adina hurbiltzen ari zaie. Alaia lana uzteko desiratzen dago. Unaik jarraitu egin nahi du.

Oihana artista gaztea da, eta Unai haren aita. Oihanak gaur inauguratu du lehen erakusketa, eta aretoa haren aitaren lagunekin bete da.

Binakako parapente batean, elkarrekin egin dute salto Oihanak eta Aitorrek. Kontrola galdu, eta zuhaitz batetik zintzilik gelditu dira.

Unaiek eta Aitorrek anorexia izan zuten nerabezaroan. Garai hartan, elikadura nahasmenduak tratatzeko zentro batean ezagutu zuten elkar. Hamar urte pasatu dira, eta gaur erosketak egiten egin dute topo.

Ezkutatu egin zara ikusi ez zaitzaten.

Kirolari profesionalak dira Maialen eta Unai, eta publizitatea egiteko eskaintza asko jasotzen dituzte. Maialen edozer iragartzeko prest dago. Unai, ordea, ez.

Aitor semea eta Unai aita dira. Aitak uzten ez zion arren, Aitorrek moda-modako bideokontsola erosi zuen bere aurrezkiekin. Orain Aitorrek baino gehiago erabiltzen du Unaik.

Hamaika erlijio / badira munduan
Fedea ez da beti / denontzat berbera
Eliza hutsetan zer / egingo zenuke?

Errepideak konpotzen egiten dute lan Unaik eta Igorrek. Sarritan ikusten dute beren burua arriskuan. Gaur ere bide bazterrean ari dira lanean.

Atetik sartu zarenean, isildu egin dira denak.

Lagunak dira Unai eta Aitor. Ez zaie gustatzen beren kuadrillako bati bikotekideak nola hitz egiten dion, eta Aitorrek Unairi esan dio beren lagunarekin hitz egin behar luketeela.

Telebistako makilatzaileak dira Amets eta Unai. Gaur ere lan eta lan ari dira.

Gerra kazetari baten aita zara. Gaur ere albistegian ikusi duzu hango berri ematen.