Sustrai Colina Acordarrementeria

Tabernariak dira Jone eta Sustrai. Gazte garaian ireki zuten taberna. Gaur egun, hauen bezero nagusiak lagunen seme-alaba nerabeak dira.

Biltegi batean lan egiten dute Sustraik eta Nahikarik kamioiak kargatzen. Gaur goizean, Nahikarik hamargarren aldiz esan dio Sustrairi zigarroa erretzera kanpora doala.

Argindarra behar da / edozertarako
Dena da elektriko / ta elektroniko
Energia sortzeko / modu asko dago

Erizainak dira Sustrai eta Jon. Egunero, ordaintzen ez dizkieten ordu gehigarriak egiten dituzte lanean. Jonek Sustrairi esan dio gaur bera ez dela gehiago geratuko bien txanda amaitzen denean.

Ez duzu gonbidapenik jaso, baina joatea erabaki duzu.

Etxahunen eta Sustrairen txoko edo elkarte gastronomikoan lapurretak izan direla-eta, segurtasun kamerak jarriko dituzte. Etxahun ados dago erabakiarekin. Sustrai, berriz, ez.

Beñat aireportuan dago segurtasun kontrolean. Sustrai segurtasuneko langileak hirugarren aldiz pasarazi du metal detektagailutik. Jo eta jo jarraitzen du.

Herriko festak dira eta erromeria dago plazan. Dantzan hasteko desiratzen daude Sustrai eta Jon, baina ez dute lehenak izan nahi.

Lagunak dira Sustrai eta Nerea. Tabernan daudela, telebistan ikusi dute hamabost urte bete direla Prestige petrolio ontzia hondoratu zela. Biak ibili ziren kostaldea garbitzen orduan.

Usaina sumatu, eta urduri jarri zara.

Pisukideak dira Beñat eta Sustrai. Duela gutxi jarri ziren elkarrekin bizitzen. Beñati afalostean telebistako eztabaida politikoak ikustea eta komentatzea gustatzen zaio. Sustrairi, berriz, ez.

Sustrai arkeologoa da. Lanean ari den indusketa-gunean topatutako giza hezurrak daramatza autoan. Laborategira bidean doala, Aitor poliizak geratu du.

Kutsadura airean / nahi baino gehiago
Bateko erraustegi / besteko fabrika
Kontuan hartzen al da / gure osasuna?

Musikariak dira Sustrai eta Amets. Gaur ere, beste askotan bezala, beren herrian musu-truk jotzeko eskatu diete.

Atetik sartu zarenean, isildu egin dira denak.

Nazioartean kontratu garrantzitsuak lortu izan dituen euskal enpresa bateko komertzialak dira Aitor eta Sustrai. Negozio ekimen bakoitzean milioi asko jarri ohi dituzte jokoan. Sustraik Aitorri esan dio ezin duela erantzunkizuna gehiago jasan.

Bikote hasiberria dira Sustrai eta Igor. Jatetxe batera joan dira erdi ezkutuan inork ikusi ez ditzan. Ezaguna besterik ez dago.

Umetan iseka edo trufa egiten zizuten eskolan. Urteak igaro dira geroztik, eta gaur ikaskide oihen afarira joateko gonbidapena bidali dizute.