Alaia Martin Etxebeste

Lagunak dira Beñat eta Alaia. Bestan dabiltzala, hauen lagun bat borrokan hasi da ondokoekin. Tartean sartuta, borroka baretzea lortu dute Beñatek eta Alaiak. Ez da lagunak horrelako zerbait egiten duen lehen aldia.

Alaia ama eta Xabi semea dira. Xabi semeak argazkilaritza ikastaro bat egin du, eta amaierako lana egiteko etxeko egunerokotasunari atera nahi dizkio argazkiak. Ordubete darama etxean Alaiaren atzetik argazkiak atera eta atera.

Irailak dakarkigu / kurtso hasiera
Futbola, ingelesa / musika eskola
Onenak izateko / presio galanta

Mikel irrati euskaldun bateko zuzendaria da, eta Alaia, bertako esataria. Alaiak gazteendako musika saio bat gidatzen du. Entzuleek euskal musikarik eskatzen ez dutela eta, kezkatuta etorri da gaur Alaia Mikelengana.

Komisaldegitik deitu dizute agertu dela esanez.

Basozainak dira Aitor eta Alaia. Hauek zaintzen dituzten lur eremuetan, suteak izan dira berriro aurten. Nahita piztu zituztela jakin dute.

Lagun minak dira Alaia eta Maddalen. Maddalenek Alaiari esan zion dena utzi eta mundua ezagutzera zihoala. Aste pare bat pasatu, eta bueltan etorri da.

Nerabezaroa da / garai berezia
Gorputzean, buruan / zenbat aldaketa
Batzuentzat muga da / hemezortzi urte

Unai eta Alaia epaitzen ari dira epaitegian. Euskaraz deklaratzea eskatu dutenez, interpretea jarri diete. Honek behar bezala itzultzen ez duela eta, Alaiak Unairi proposatu dio zuzenean erdaraz deklaratzea.

Dena ondo zihoan, argia piztu den arte.

Unibertsitateko irakasleak dira Alaia eta Unai. Urteetan fakultate berean lan egin eta gero, erretiro-adina hurbiltzen ari zaie. Alaia lana uzteko desiratzen dago. Unaik jarraitu egin nahi du.

Aitorrek barazki biltegi bat du. Alaia gaur hasi da bertan lanean. Aitor Alaiari lantegia erakusten ari dela, hozkailu gelara sartu dira. Alaiak atea itxi du, eta kanpotik bakarrik ireki daiteke.

Buffeta duen jatetxe batean bazkaldu dute elkarrekin Alaiak eta Mirenek. Bazkalondoan, mugitu ezinda daude.

Euskarazko hedabide bateko langileak dira Aitor eta Alaia. Hedabidea diru-premian dagoela-eta, dirua biltzeko kanpaina bat egin dute. Ez dute jaso espero zuten erantzunik.

Ezkutatu egin zara ikusi ez zaitzaten.