Aitor Sarriegi Galparsoro

Basozainak dira Aitor eta Alaia. Hauek zaintzen dituzten lur eremuetan, suteak izan dira berriro aurten. Nahita piztu zituztela jakin dute.

Bizilagunak dira Maialen eta Aitor. Aitor egunero joaten da Maialenen etxera zerbaiten eskean. Orain ere badator, dokumentu bat inprimatu behar duela eta tinta bukatu zaiola esanez.

Loteria erosi / zalea al zara?
Pobreak jokatzen du / ametsaren bila
Zer egingo zenuke / tokatu ezkero?

Aimar eta Aitor hirurogeita hamabostna urte dituzten aspaldiko lagunak dira. Urtero-urtero elkarrekin joan izan dira oporretan. Aitorrek Aimarri esan dio oraingoan ez dela joango.

Dena ondo zihoan, argia piztu den arte.

Argindar konpainia bateko langileak dira Miren eta Aitor. Konponketa bat egitera joan direnean, ohartu dira sare elektrikotik etxebizitza batera elektrizitatea lapurtzen dutela. Mirenek enpresari jakinarazi nahi dio. Aitorrek ez.

Aitorrek barazki biltegi bat du. Alaia gaur hasi da bertan lanean. Aitor Alaiari lantegia erakusten ari dela, hozkailu gelara sartu dira. Alaiak atea itxi du, eta kanpotik bakarrik ireki daiteke.

Udaltzainak dira Aitor eta Oihana. Herriko festak dira, eta auto anitz dago gaizki aparkatuta. Garabiarekin autoak eramaten hasi behar dute.

Unaiek eta Aitorrek anorexia izan zuten nerabezaroan. Garai hartan, elikadura nahasmenduak tratatzeko zentro batean ezagutu zuten elkar. Hamar urte pasatu dira, eta gaur erosketak egiten egin dute topo.

Ezkutatu egin zara ikusi ez zaitzaten.

Euskara-elkarte bateko borondatezko bi kide dira Igor eta Aitor. Igorrek uste du taldearen jarduna profesionalizatzen hasi beharra dagoela. Aitor ez dago ados.

Aitor semea eta Unai aita dira. Aitak uzten ez zion arren, Aitorrek moda-modako bideokontsola erosi zuen bere aurrezkiekin. Orain Aitorrek baino gehiago erabiltzen du Unaik.

Justizia berdina / ote da denekin?
Balantzak gehiegitan / galtzen du oreka
Kantuen letrak izan / litezke delitu

Irakasleak dira Aitor eta Maialen. Murrizketak direla-eta, greba egin zuten atzo ere. Gaur, lanera bueltatu dira.

Atetik sartu zarenean, isildu egin dira denak.

Nazioartean kontratu garrantzitsuak lortu izan dituen euskal enpresa bateko komertzialak dira Aitor eta Sustrai. Negozio ekimen bakoitzean milioi asko jarri ohi dituzte jokoan. Sustraik Aitorri esan dio ezin duela erantzunkizuna gehiago jasan.

Bigarren eskuko gauzen enkante batean egin dute topo Beñatek eta Aitorrek. Eskaintzak hastera doaz.

Urteetan egin duzu lana adineko pertsonak zaintzen. Geroz eta hurbilago ikusten duzu zeuk zaintza beharko duzun unea.