Hedabide laguntzaileak
Bertsozale Elkarteak bideratuko duen ikus-entzunezko eta idatzizko hedapenaz gain, Euskal Herriko komunikabide ugarirekin dugun elkarlanari esker, Bertsolari Txapelketa Nagusiak are oihartzun handiagoa izango du.
Euskal Herri osoko zein nazioarteko hedabideak izango ditugu Txapelketa Nagusia segitzen, tokian tokikoak eta lurralde osoari begirakoak, prentsa, telebista, irrati zein webguneak.
Haietako askorekin elkarlan hitzarmenak egin ditugu. Komunikabideokin elkarlana ezinbestekoa zaigu gure egitasmoa ezagutarazteko, eta gure esker ona adierazi nahi diegu guztiei.
