Ikasgela

Hemen eskuragai jarri ditugun erreferentziak euskaltegi, ikastetxe eta gisakoetan erabiltzeko pentsatuta dago, bertsolaritzari eta euskal kulturari hurbilpena egiteko baliabide gisa.

Dokumentuak

• Txapelketa Nagusia astetik astera segitzeko prestatu dugun murala 

Baliabide osagarri egokia izan daiteke txapelketako murala: nortzuk izan dira Txapelketa Nagusietako txapeldunak? zein urtetan? zenbat puntu lortu dituzte parte hartzaileek Baigorrin?

• BDB. Bertsolaritzaren datu-basea

Xenpelar Dokumentazio Zentroak kudeatzen duen BDB datu baseak sekulako aukerak ematen ditu. Bertsoa entzunez, transkripzioa irakurri eta bertsoaren esanahia aztertu nahi dela? Bertsoen datu-basean, "transkripziodun" eta "audiodun" laukitxoak sakatu, bilaketarako hobetsitako informazioa sartu eta... gozatu!

Ikus-entzunezkoak

Bertsolaritzaren ohiko jarduerari loturik

• Bertsolari Txapelketa Nagusiaren kanala

2017ko Bertsolari Txapelketa Nagusia iragartzeko ekoitzitako bideoez gain, azken txapelketetako txapeldunen agurrak topatuko dituzue bertan. 

• Bertsolari Txapelketa Nagusiko bertsoaldi historikoak

Bertsoa.eus atariak azken txapelketetako bertsoaldirik nabarmenetako batzuk bildu ditu. Besteak beste, Jon Lopategi, Andoni Egaña, Unai Iturriaga, Mikel Mendizabal, Sebastian Lizaso, Jon Maia, Maialen Lujanbio, Igor Elortza edota Amets Arzallusek azken Txapelketa Nagusietan kantatutako bertsoaldi gogoangarriak daude bertan. 

Kulturartea. Bertsolariak eta atzerriko inprobisatzaileak

Euskal Herriari ez ezik munduari ere begiratzen dio bertsolaritzak. Horren lekuko mundu osoko inprobisatzaileekin Euskal Herrian egindako bi topaketak, 2003an eta 2017an.

• Europa bat-batean. Kantu inprobisatuaren nazioarteko topaketaren webgunea

2015 eta 2016an egin zen Europa bat-batean topaketa. Esperientzia horren inguruan egindako hainbat emanaldi eta elkarrizketa bilduak daude hemen, hizkuntza zenbait uztartuz. Adibidez, Julio Soto eta Mexikoko Las Alondras hirukoteak eskainitako emanaldia.

• Mundu bat ahoz aho dokumentalaren trailerra

Mintzola Ahozko Lantegiak garatu eta Lanku Kultur Zerbitzuek ekoitzia, kantu inprobisatuak munduari begiratzeko talaia berezi bakoitzaren berri emango digu dokumentalak. 

• Guadalajaran, 2016ko Maratón de Cuentos 2016 egitasmoan, Andoni Egañak eta Alexis Pimientak osatutako seguidilla euskaraz eta gazteleraz.
• 2003an Euskal Herrian egindako Ahozko Inprobisazioa Munduan topaketako emanaldiaren laginak daude Bertsoa.eus atarian; adibidez, Kubako repentistek osatutako saioa edota Mexikoko trobadoreek egindakoa.
• 1998an Bertsoaroaren baitan Tomasita Quiala errepentista kubatarrak egindako saioaren lagina.

Bereziak

• Bertsolari dokumentalaren trailerra

Asier Altunak zuzendu zuen Bertsolari dokumentala, bertsolarien jarduna hobeto ezagutzeko aproposa.