Albisteak
L'esprit de l'escalier
2017/10/03"Bertsolaritza tabernetatik oholtzetara pasa zenean bezala, entzuleek ohitu egin behar izan dute itxura desberdinetara, emetasuna lotsarik gabe azaltzen duten emakumeetara, haien ahots finetara. Lujanbiok txapela irabazi zuen hartan ikusi genuen emakumeak ez direla kasualitatea, ezta bizitza laburreko lorea ere. Orduan hasi zen urtzen hainbaten gurasokeria". Bertsolaritzaren eta bertsogintzaren gainean gogoetatu du Arantxa Urretabizkaia idazleak astearteroko atal honetan.
Bazkide ez direnentzat ere finalaurrekoetako eta finaleko sarrerak, salgai
2017/10/02Bertsozale Elkarteko bazkideek izan dute lehentasuna Bertsolari Txapelketa Nagusiko finalaurrekoetako eta finaleko sarrerak erosteko orduan. Gaurtik aurrera, baina, bazkideek ez direnek ere izango dute saio horietarako sarrerak erosteko aukera. Sarrerez gain, finalerako autobusetarako eta bazkarirako txartelak ere salgai dira jada.
Oihana Iguaran irabazle, Leitzako saioan
2017/10/01Hala, Durangoko finalaurrekoan kantatzeko tokia ziurtatu du Amasakoak. 1.200 ikus-entzule pasatxo elkartu dira Leitzako udal kiroldegian.
Jon Martinek eskuratu du finalaurrekoetarako bigarren txartela
2017/09/30Hala, urriaren 28an Bastidan izango den lehen finalaurreko saiorako sailkatu da zuzenean. 700 bertsozaletik gora bildu da Segurako Baratze pilotalekuan eta oraindik, Segurak, bertsolaritzaren topagune izaten jarraitzen du eguna amaitu arte, Bertso Eskolen Egunari esker.
Seguran eta Leitzan izango dira saioak asteburuan
2017/09/29Bertsolari Txapelketa Nagusiak hitzordu bikoitza du asteburu honetan, Segura eta Leitzan jokatuko baitira bi final laurden. Sarrerak gaur 18:00ak arte izango dira salgai www.bertsosarrerak.eus atarian, eta saioaren egunean leihatila 15:00etan zabalduko da.
"Egun hiru belaunaldi elkartzen dira Leitzako bertso eskolan"
2017/09/28Igandean iritsiko da Leitzara Bertsolari Txapelketa Nagusia. Zortzi urte pasatu dira leitzarrentzat, azkenekoz 2009an izan baitzen han. Orduko hartan herriak ahalegin handia egin zuela gogoan du Miel Mari Elosegi "Luze"k eta oraingoan ere hala izatea espero du. Pilotak, harriak eta bestelako herri kirolek erakarmen handiago duten arren, etorkizun oparoa aurreikusten zaio Leitzako bertsogintzari.
Seguran eta Leitzan, egun osoko plana egiteko aukera
2017/09/27Bertsolari Txapelketa Nagusiko saioak hartuko dituzten hainbat herritan, saioarekin batera ekitaldi osagarriak antolatuko dituzte. Horien artean, asteburuan Seguran Bertso Eskolen Eguna egingo da egun osoz eta Leitzan, berriz, "Harria. Maitasun istorioa" emanaldia eta Peru-Harrira bisita izango dira. Ez dira horiek txapelketako saioen inguruan antolatuko diren ekitaldi osagarri bakarrak, gehiago izango dira datozen asteotan.
Segura eta Leitzara ailegatuko da Txapelketa Nagusia asteburuan
2017/09/27Bertsolari Txapelketa Nagusiak hitzordu bikoitza du asteburu honetan, Segura eta Leitzan jokatuko baitira bi final laurden. Ander Fuentes "Itturri", Beñat Iguaran, Felix Zubia, Jon Martin, Nerea Elustondo eta Unai Gaztelumendi ariko dira Seguran eta Leitzan, berriz, Agin Laburu, Iñaki Apalategi, Julio Soto, Oihana Bartra, Oihana Iguaran eta Unai Agirre.
Kantuz sortuak
2017/09/26"Kantaerari dagokion azken hitza –edo azken aurrekoa?– bertsolariarena da, edonola ere. Aukeren zurrunbiloan orekan dabil bertsolaria, modu kontziente edo inkontzientean. Une bakoitzean musika jakin batez, ezaugarri jakin batzuez, gauzatzen du esan nahi duen hori. Eta hitzaren esanahi hertsiaz gain, beste gauza asko ere adierazten ditu bertsolariak kantaeraren bitartez". Kantaeraz idatzi du Ainhoa Aizpurua Insaustik, asteartero argitara ematen dugun gogoeta tarte honetan.
Alaia Martin zuzenean sailkatu da finalaurrekoetara
2017/09/23Bertsolari Txapelketa Nagusiko lehen final laurdena jokatu da gaur Baigorrin.
Lehen sei bertsolariak oholtzara, Baigorriko final laurdenean
2017/09/22Bihar abiatuko da Baigorrin Bertsolari Txapelketa Nagusia. Sei bertsolari igoko dira oholtzara: Aimar Karrika, Ander Lizarralde, Alaia Martin, Beñat Ugartetxea, Mikel Artola eta Xabi Maia. Joana Itzainak aurkeztuta, 17:00etan hasiko da Ezker paretan jokatuko den saioa. Amaitu da internet bidezko sarrerak eskuratzeko epea. Baigorrin, arratsaldeko hiruretan zabalduko da txarteldegia, aretoan bertan. Aretoko ateak 16:00etan irekiko dira. Sarrerak ez dira zenbakituak.
Baigorriko Basaizea elkartea, euskal kulturaren hauspoa
2017/09/22Bihar abiatuko da Baigorrin Bertsolari Txapelketa Nagusia. Saioa antolatzeko orduan ezinbestekoa izan da Baigorriko Herriko Etxearen laguntza, baita Basaizea elkartearena ere. Mota guztietako kultur ekitaldiak antolatzen ditu Basaizeak urte osoan zehar eta horien artean bertsolaritzak leku nabarmena izan ohi du. Horrez gain, Etxauzia proiektua ere sostengatzen du Basaizeak.
Abiatzeko prest
2017/09/20Bertsolari Txapelketa Nagusiko parte hartzaileak, epaile, gai jartzaile zein bertsolariak, eta antolatzaileak Amasa-Villabonan egindako aurkezpen ekitaldian bildu dira; baita zaleak ere. Baigorrira abiatzeko prest guztiak ere.
Baigorrin ekingo zaio Bertsolari Txapelketa Nagusiari larunbatean
2017/09/2017:00etan izango da saioa Baigorriko Ezker paretan. Aimar Karrika, Ander Lizarralde, Alaia Martin, Beñat Ugartetxea, Mikel Artola eta Xabi Maia izango dira bertsotan.
Bukatu dira Txapelketa Nagusirako salgai zeuden bonu guztiak
2017/09/20Duela astebete, Bertsolari Txapelketa Nagusiaren aurkezpenarekin batera, saioetarako sarrera salmenta zabaldu zen. Sarrera solteez gain, Bertsozale Elkarteko bazkideek hamahiru saiotarako bonua erosteko aukera izan dute egunotan. Salgai zeuden bonu guztiak saldu direnez, aurrerantzean ezin da bonurik erosi. Txapelketako saioetarako sarrerak, berriz, salgai daude www.bertsosarrerak.eus webgunean.
Darwin eta gu
2017/09/19"Arteaz eztabaidatu zuten Someran, bertsolaritzaren funtzio politiko-sozialaz eta rockaz Kutxin, gaztetxean hartu zuten azkena eta okupaturiko etxeko zoruan etzan zenean, auskalo zein sustantziaren eraginpean baina ekibokatzeko beldur handirik gabe, ziur bota omen zuen Charlesek: "hortik, hortik joango da"". Asteartero izango dugun adituen gogoeten tartea, Uxue Alberdik zabaldu du bere ekarpenarekin.
Txapelketa Nagusiaren aurkezpen ekitaldia, asteazkenean
2017/09/15Amasa-Villabonako Subijana etxearen atarian egingo da ekitaldia. 19:30ean izango da hitzordua.
Bertsolaritza eta bertsogintzaren gaineko gogoetak, asteartero
2017/09/15Hilaren 19tik hasita eta Bertsolari Txapelketa Nagusiak irauten duen bitartean, 16 kultur eragilek, ikertzailek zein nazioarteko adituk bertsolaritzari eta bertsogintzari buruzko artikuluak argitaratuko dituzte txapelketako webgunean. Uxue Alberdi bertsolari eta idazlearen "Darwin eta gu" izango da lehen gogoeta.
Badator Bertsolari Txapelketa Nagusia!
2017/09/14Datorren larunbatean ekingo dio txapelketak Barakaldorainoko bere bideari; eta zaleak, bidelagun.
Euskararen lurralde osoan izango da Bertsolari Txapelketa Nagusia lehen aldiz
2017/09/12"Ez da kontu sinbolikoa, ezta indar erakustaldi bat. Errealitate baten isla da, bertsolaritza bizirik baitago eremu horretan" azaldu du Iñaki Muruak, Euskal Herriko Bertsozale Elkarteko lehendakariak.
